Do Tok Tok Do

2 tok tok 2
{criticism on philosophers}
[ye tok ek talib-e-ilm ki hesiyat se ehl-e-ilm ke liye sawal ki hisiyat se hy.]

philosophers per 2tok tok
.
"Democrates ki trah Epicurus bhi kehta hy k Rooh Atmon se murakkab hy jo Maut ke Bad Bikhar jate hyn Lehaza Hayat Bad Maut ka Khayal mahz Mazhab ka Wahima hy. Epicurus ke Khayal me Hayat bad Maut se Inkar kiya jaye to insan ko Maut ki Dehshat se Nijat mil jati hy."

-- Hayat bad Maut ke Inkar se Nahien bulke Ain Hayat bad Maut ke Tasawur se Insan ko Maut ki Dehshat se Nijat Milti Hy!
Jb insan janta hy k maut k bd ulimately khatma nahien bulke zindagi hy to wo maut ke khauf se be-khauf hojata hy, kyon wo janta hy k maut mahz ek step hy ek zaman o makan se dusre zaman o makan me transform hokar transfer hone ka. [aur shayad wo is dunya me bi isi 'maut k process' se hokar yahan puhuncha ho jo ise ab yad nahien!], to phr jb Hayat bad Maut ho to phr maut se dar kesa!
.
.
"Kharji Ashya Ka Ilm Zaroori Hy K Zehn Ke Wasile Se Ho Na K Hissiyat K Waste Se." Decart.
-- Ye bat Ghalat bulke Incmplete hy! Ashya ka Ilm Hissyat se hota hy per Isme Kharij ya Dakhil ki Qed Nahien!
Per Asal me Zaahir Ashya ka ilm (sirf ek had tak) Hissyat se hota hy (wo bhi Aqal ki Madad se), jb k Batni Ashya ka ilm Zehn se hota hy. [hissyat ya science ye sabit nahi kr skti k 'jesa karoge wesa bharoge!’ Ya 'jis ne qata' rehmi ki uski umar ghat gai!']
.
.
"Badbakhto! Mazhab Ne Tmhen Kese Kese Charke Lagaye Hyn. Hamare Bachon Per Kese Kese Zulm Karwaye Hyn. Neki Ye Nahien K Tm Pathar Ki Qurbani Gahon Per Sar Jhukao Ya Sajde Karo. Neki Mazbahon Per Qurbani Ka Khoon Chharakne Me Bhi Nahi Hy Bulke Aasudah Aur Matmain Zehn Se Neki Hasil Hoti Hy." Licriscious

-- Per Sawal Ye Hy Ke Agr Aasoodah aur Mutmain Zehn Sadjde karne aur Qurbani krne se Hasil ho to phir . . . .
.
.
"Schopanahir ki is Ma Bad ul Tabiyat se jo ikhlaqi nazariya mutafara’ ho wo zahiran Qunooti hoga. Afaqi iradah hamma-geer hy shar ameez hy tmam dukh dard ka maakhaz hy. Insan main iradah hayat tamam shar ka sabab hy. Zindagi Dukh hy, Iztarab, Khaljan aur Gham se bhari hy. Dunya main musarrat ka koi wujood nahin hy kyon k jab koi aarzoo poori na ho to aziyat mehsoos hoti hy aur poori ho jaye to is ka nateeja Iktaahat hy jo bazaat-e-khud takleef deh hy. Ilm main izafe ke sath sath dukh main izafa hota hy … Schopanahir ke khayal main aksar log sangeen qism ke ahmaq hyn. Ye jante hue bhi ke maur ki talwar her waqt sar per latak rahi hy wo khokhli tamannaon aur be-samar aarzoon ke jaal bunte rehte hyn. Gautam Budh ki tarah Schopanahir bhi Khud-Gharzi ko shar ki jar qarar deta hy aur kehta hy ke insan apni khawhishat ko kuchal kar hi khud gharzana irade ki nafi kar sakta hy. Iradeh ke be-panah tasarruf ke liye nafs kashi zaroori hy. Irade ki maut insan ki nijat hy. Irade ke aahni shikanje se chhutkara pane ke liye insan ko chahiye ke wo bachhe peda karna chhor de na zindagi rahe gi na dukh hoga.” RF - Page 108-109

Cmnts. Haqiqat me ager Hayat bad Maut, Jannat Dozakh, ka concept na hota to waqai ye dunya/zindagi Dukh Dard Alam Musibaten Tension Preshaniyan Na Umeedi Bemariyan . . . Ke siva kuch nahi ! Phir Bache peda kar ke unko is dunya ki museebaton main mubtala karna na sirf ahmaqana hy bulke sangeen gunah kehna chahiye. Jab Zandagi ka koi matlab nahin to khud ko aur apne bachon ko mufat mian dukh dard ranj be-izati bookh aflas . . . waghera main mubtala karne ka kya matlab! Lekin Insan Hayat bad Maut k concept se sbhi is dunya k dukh dard jheel jata hy ye soch kr k ye Waqti Preshaniyan hyn, aur ise jawadani zindagi milne wali hy!
.
.
Schopanahir Quotes:

“ek sehtmand gadagar ek mareez badshah se zyadah khush hota hy.”
sahi hy! Matlab: Seht hazar Nemat Hy. Pesa Musarrat ka kulli tor per Musarrat ka Baais nahin, Pese se banda elaj to kara sakta hy, per marz ager la-elaj ho to phir …
[wese aaj ke zamane main pese se taqreeban elaj hojata hy!]

"her shakhs apne shaoor ki hudood main gehra hua hy aur un hudood ko paar nahi kar sakta jese wo apni jild se baahar nahi aa sakta."
- her shakhs apne shaoor ki hudood me ghira hua hy aur un hudood ko par nahi kr skta PER WO UN HUDOOD KE DAAIRON KO BARHA SAKTA HY. Aur un daairon ko barhane me Tafakkur o Tadabbur, Ilm aur Muashira ehm kirdar ada krta hy.

“aadmi jitna zyadah dolat mand hota hy utna uktahat ka shikar hojata hy.”
- zaroori nahi!

"ek alim khwah kitni hi furootni aur kasar-nafsi ka izhar kare log use zehni lehaz se apne ser bartar hone ke baais kabhi mu’aaf nahin karen ge."
- log use maf tbhi nhi karenge jb us se jealous honge, lekin jb us se mhbt rakhenge to mafi ka swal i peda nahi hota.
Log ksi ki bartari per 'maaf nahi' is liye nahi karte kyon k wo is se jealous hote hyn, unse mhbt krna shuru krdo unhe dost bnalo ab unki bartari per 'maaf nahi' krne k bjai tmhe khushi hone lage gi. (aur tm khushi se uski taraf apni nisbt lagao ge!)

"jo tog tm se milne ayen un se apne hi mutaliq batain karke unhen bezar na karo bulke unhen apni zaat ke mutaliq baten karne do ke wo isi liye tumhare pas ate hyn."
jo 'main' ki bat krte hyn wo bewaqoof hyn!
_(Schopanahir ko ghaaliban ahmaqon se zyada wasta para hoga!)

"zindagi ki mahubbt fil asal maut ka khauf hy."
- per ye Jiblati hy! Aur jan ki hifazat krna apni jaga farz hy.

"aqal tajurbe se ati hy. Danish o Khird ke maqole hifz karne se nahin ati."
- yaqinan hikmat ki baten sirf yad krne (ratta lagane) se acitave nahi hoti Per AQAL tafakkur se ati hy, tajurba uska ala hy.

"jis shakhs k mutaliq ye kaha jaye ke wo tanhai pasand hy to us ka matlab ye hoga ke wo ghair-mamooli zehn o kirdar ka maalik hy."
- hm !

"gair mamooli zehn o dimag rakhne wale ka koi dost nahi hota kyon ke us ki bareek been nigahen dosti ke fareb ko foran bhaanp leti hyn"
- bat qabile ghaur hy per 'koi dost nahi' ki jaga 'chand dost' lga diya jaye to behtar rahega.

"tm ksi dost ko qarz doge ya us per ehsan karoge to wo tmhara dushman ban jayega. Ager tum kisi dost ko mali imdad dene ya us ka kam karne se mazoori ka izhar karoge to wo kabhi tum se naraz nahi hoga."
- Ahan! Esa Schopanahir k paare (muhalle) me i hota hoga!
Wse ye bat hr fard per infradi tor per lago hoti hy koi is bat k muwafiq b ho skta hy koi mukhalif b! (..to kehna bekar hy!)

"jis shakhs ki zat me koi johar ho us ka shuhrat hasil karna itna hi yaqini hy jitna ke jism ka saaya hona."
- mashhoor hr koi hy bus koi 10 bndon k bech me to koi 10 crore k bech me!
(Schopanahir ka matlab ghaliban zyaada bandon ke beech mashhor hone per hy.)
Per ye falsafa aaj ke zamane main Baatil hy. Aaj ke zaman main Johar wale Log shayad itne mashhor nahin hote jitne Ahmaq!

"jo log dusron k samne apne masaaib ka rona rote hyn wo nahin jante ke log zaahiran hamdardi ka izhar karte hyn lekin ye baatin doosron ke masaaib per khush hote hyn."
- ghalat

"farz karo buhut se zaheen ashkhaas ek mehfil main mil bhethe hyn aur un main sirf do ahmaq hyn. Wo donon yaqinan ek dusre ko palen ge aur is bat per khush honge ke baare is mehfil main ek to zaheen admi bhi maujood hy."
- ager Zaheen bA-Takalluf hote hyn to Ahmaq bE-Takalluf hona zyada behtar hy.
Ager zahin apne chehre k ooper (teh dar teh) mask orhe hote hyn to ahmaq Be-Niqab hona zyada behtar hy.
Positive k liye Negative negative hy aur Negative k liye Positive negative hy. (positve aur negative to mahz nam hy, agr in namon ko hata kr dusre nam rakho to bus Mukhtalif aur Mutazad Zaviye milege Sahi o Galat ki tamiz k bgair!)

"ek mamoli shakal o surat ki larki ek bad-soorat larki se nihayat tapak se mile gi. Mardon main ahmaq aur kodan aur aurton main badsoorat hamesha her-dil azeez hote hyn. Ek haseena ko koi aurat pasand nahi karti sab us se door bhaagti hyn ke un ke saamne log unhen badsoorat na khayal karain. Is tarah jo mard ghair-mamooli zehn o dimag rakhta hy log us ke qareeb nahin phatakte ke kahin un ki apni hamqat aur jahalat ka raz faash na hojaye. Is tarah wo bechara akela reh jata hy."
- aurat ki nafsiyati kefiyat ka attalaq mard pe nahi kiya ja skta!
'us aqalmand' se door tbhi bhaga jaye ga jo 'aqalmand' Maghroor aur dusron ki kam aqal k raz fash krta hy!
“mardon main ahmaq aur aurton main badsoorat hamesah herdil aziz hote hyn”. Be bat Ghalat hy.
Haseenon aur Aqalmandon se door bhaagne ke peeche bhi wohi Jealosy karfarma hy. Ager wohi haseen aur aqalmand tumhara sacha dost hy aur tumhe us se muhabbat hy to phir door bhagne ke bajai tum us ke saath photo khichwate hue miloge. Aur is baat pe fakar karoge ke ye haseen aur genious mera langootiya yaar hy!

"ksi imarat per kaam karne wale ma’mar aur mazdoor us ke mukammal naqshe ka ilm nahi rakhte. Insan ki bhi yehi haalat hy. Woh lail o nahar ke chakkar main par kar zindagi ke jaame’ tasaur se ghaafil hojata hy."
- pehle jumle ki sadaqat to ek acha architect i btayega, albatta akhri jumla durust hy.

"gharibon me jahalat is qadr ibrat nak nahi hoti jinti ke ameeron main hoti hy."
- jeddo uth tedda lodda! (jis ka maqam jitna hota hy us se utne ke tawuqqo hoti hy)

"buhut se alfaz main kam khayalat ka izhar jahalat hy. Thore alfaz main zyadah khayalat ka izhar ilmiyat hy"
- kya bt kahi!
.
.
"langoor ko admi se kya nisbat hy. Wo insan k samne muzahika khez dikhai deta hy jese aam admi azeem insanon k muqable me muzahika khez honge." (Neitsche)
- Yaqinan Waqt k Leader i Tareekh ki Dhaara badalte hyn per Mas'la ye hy k ye 'Azeem Insan' is 'Langoor Admi' ki madad k bgair Bekar hyn.
Azeem Insan koi Iron Man Nahien hote per unhe logon ki Hamiyat ki zarurat hoti hy.
[han Azeem Insan aur Aam Admi se murad Aaqil aur Jaahil ki hy to phr agr infradi level per Aaqil aur Jaahil ko khara kr k parkha jaye to ap ki bt durust there gi!]
.
.
"kainat me andhe qawanin mutasarrif hyn jesa k maslan harkat aur gardish ka qanoon." Stees (Religion and modern mind). page. 123
- ghalat!. atom k electron tk munazzam usoolon per gardish krte hyn.
.
.
"tareekhi madiyat ke nazriye ka hasil ye hy k insan pehle khata peeta hy thikana talash krta hy satar poshi krta hy aur bad me fikr krta hy adabi takhliq krta hy ya mazhabi aqeeda rakhta hy."
- herat ki bat hy marx khud puri zindagi nanga rha, iske bache bhook se mar gaye, thakane k liye hamesha do-char ka shikar rha per in sb chezon k bawajood wo apni fikr se chipka rha. [yani marx ka qol kehta hy kha pee kr socho aur marx ka fa'l kehta hy socho khane peene ki parwah nahi!]
Tareekhi Madiyat Zaman se wabasta hy (aur kai logon k liye Makan se wabasta bhi.). Ksi zamane me (aur ye zamana zyada purana b nahi) mufakkarin ko sirf apni fikr ki parwah hoti thi wo kya khate hyn kya pehnte hyn kuch parwah nahi! (is mamle me Pythagorous, Archmides, Buhlool Dana, Shah A. Latif sb ki misalen di ja sakti hyn.)
han per aj k zamane me muashre k badalne abadi k tezi se barhne se ye bat zyada sahi hogai hy k insan pehle khane pene, pehnne aur rehne ka bndobst kre kyon k sahi mahol me i wo sahi fikr kr sakta hy!
.
.
"Haq ka mayar hamesha Mauzoo' hi muaiyan krta hy, Haq wohi hy jo Mauzoo k liye Haq hy." Kierbegaard
- Main Mauzoo hon, aur Main ye muaiyan krta hon k ye bat Ghalat hy, Na-Haq Hy. Chonke Kierbegaard k baqol Mauzoo i Mayar Muaiyan krta hy to Main 'Mauzoo' ye muaiyan krta hon k ye qol na-haq hy. Is liye Ye Values Kierb k Formule me Put krne k bad pata chala k Kierb Ghalat hy. Jb Kierb ka Formula Values put karne k bad Ghalat thehra to pata chala Esi Koi Bat Hy i Nahi. (Mtlb Mauzoo Haq aur Na-Haq muaiyan nahi krta.)
.
.
"main chahta hon k aj se mere falsafe ko aqliyati falsafa kaha jaye.." karl jaspers.
- wah! Mtlb ab falasfa apni bat bolte b hyn aur ye b farmaish krte hyn k unka falsafa kaha rakhna hy! (mtlb falsafe me b 'parchi')!

... ... ... ... ... ... ... ... ... ... ... ... ... ... ... ...