FIKRism

Wednesday, December 9, 2009

Pakistan Main Tehzeeb Ki Irtiqa

Pakistan Main Tehzeeb Ki Irtiqa
پاکستان میں تہزیب کی ارتقاء

by Sibte Hassan
(1975)






Overview

Pakistan Main Tehzeeb Ka Irtiqa Ka Asal Maqsad Sibte Hassan Sahab Ki Taraf Se Pakistan Main Tehzeeb Ki Talash Hy. Jis Ko Sibt Sahab Dunya K Shuru Se Lekar Kareeb Aaj K Zamane Tak Khatam Karte Hyn. Per ‘Pakistani Tehzeeb’ Nahi Milti !!! Albatta Pakistan Main Mukhtalif Tehzeeben Zaroor Milti Hyn. Is Liye Wo Log Jo Pakistani Tehzeeb Dhoondne Ya BANANE Ke Peechhe Lage Hue Hyn Wohi Mulk Ka Nazam O Nasaq Tabah Kar Rahe Hyn. Her Sobe Ko Sobai Kudh Mukhtari Dee Jani Chahiye Take Her Tehzeeb Ko Khud Apne Ap Ko Behtar Tor Per Banane Aur Sanwarne Ka Moqa Mil Sake … Kitab Ka Shuruwat Bara Hissa Sindh / Indus Civilization K Ird Gird Ghoomta jo Maujoodah Sindh Balochistan aur Ooper Multan tak jaata hy, Multan se ooper Gair Elaqa kehlta tha, Jb K Kitab Ka akhri Hissa Mughal Empire / Dehli K Ird Gird.


Excerpts

--> Pathar Ke Zamane Ka Muashira Safari Aur Shikari Muashira Tha. Kaanse Ka Muashira Hazari Aur Zara’ee Muashira Tha. 39

--> Africa Main Insaan Ke Aasaar Jo Haal Hi Main Mile Hyn … Bani Adam Ki Umar 20 Laakh Baras Se Kam Nahin. Albatta Pakistan Main Insani Abadi Ke Aasaar Zyadah Se Zyadah Chaar Lakh Baras Purane Hyn.

--> Moen Jo Daro Ki Raqasa ‘Kulli’ Tehzeeb Ki Numaendgi Karti Hy. 64

--> Pathar Ke Ling Bhi Dastiyab Hue Hyn Is Lehaz Se Wo (Kulli) Behri Tijaarat Main Moen Jo Daro Ke Logon Ke Pesh Ro The.

--> Kulli Tehzeeb Shayad Junoobi Iran Ki Brotheri Se Ho. 65

--> Gharz Ke Sindh Aur Balochistan Ke Asaar Qadeema Se Pata Chalta Hy K Is Khate K Log Moen Jo Daro – Harappa Ke Urooj Se Peshtar Buhut Taraqqi Yafta The. Bulke Moen Jo Daro Walon Ne Baaz Baten Unhen Se Seekhi Thein. 66

--> MOEN JO DARO – HARAPPA. 66

--> Kappas Wadiye Sindh Ki Ijaarah Dari Thi. Kappas Us Zamane Main Sirf Sindh Main Hoti Thi. Sansikarat Main Kappas Ko ‘Sindhoo’ Aur Yunaani Main ‘Sindoon’ Kehte Hyn. 67

--> Moen Jo Daro Main Se Zewarat Ki Chezen To Wafar Miqdar Main Mile Hyn Per Jangi Saaz O Saman Bilkul Nahin Mila. Ye Buhut Amn Pasand Log The. Iran, Iraq Aur Misr Tehzeebon Ke Bilkul Barkhilaf Jahan Aaye Din Larte Jhagarte The. Wo Aaj Ke Mayar Se Bhi Buhut Shaista Aur Muhazzib Log The. 69-70

--> Moen Jo Daro Harrappa Se Bara Markaz Tha Kyon K … . 70

--> 1965 Soviet Union Ke Do Muhaqqaqeen K Badolat … Wadiye Sindh Ki Ziban Darawuri (Dravidian) Thee … Sirf 2 Hazar Nuqoosh Milen Hyn … Poora Grammer Banane K Liye 10 Hazar Nuqoosh Chahiyen. 71-72

--> Wadiye Sindh Main 2 Qaumen Rehti Thi. Daasiyo (داسیو) Aur Asoor Ya Ashoor (اسور/ اشور) . 75

--> Daasiyo Ling Ki Pooja Karte The. 75

--> Do Daryaon Ka Aaqa Namoochi Jis Ki Fauj Aurton Per Mushtamil The (Aur Jis Ko Indr Shikast Na De Saka) . 76

--> Rigvade Main Naarmooni Naam Ke Ek Aur Shahar Per Qabze Ka Zikr Bhi Hy, Muhaqqaqeen Ka Khayal Hy K Ye Shahar Moen Jo Daro Tha. 77

--> Wadiye Sindh Ke Qadeem Bashande Tantarak (تنترک) Aqeede Ke Pero The. 83

--> Wadiye Sindh Main Aaryon Ke Tasallut Ne Na Sirf Naye Tehzeebi Inqilab K Liye Raah Hamwar Nahi Ki Bulke Poore Barsagheer Ki Taqdeer Hi Badal De. 85

--> Aaryon Ke Ghalbe Ke Koi Aasaar Wadiye Sindh Main Ab Tak Nahin Mile Hyn. 91

--> Maha-Bharat Chhati Sadi Q.M. (6th Century Bc) Se Peshtar Ki Tasneef Hy. 99

--> Anasir-E-Arba (Aag, Hawa, Pani, Mitti) Ko Yunaani Falsafiyon Ne Wadiye Sindh (Taxila) Se Liye The … Kyon Ke 5 Bc Main Yunaan Aur Taxilla Main Raabte Ki Bunyad Thee Aur Donon Shahar Irani Saltanat Main Ate The. 104

--> Dariush (Darius) Ne Apni Saltanat 20 Soobon Main Baanti, 3 Wadiye Sindh Main Ate The (Hindosh, Panjab, Sindh), Hindosh Se 1/3 Saalana Khaaraj Jata Tha. Hindosh Sub Se Dolat Mand Sooba Tha. 107

--> Iran Ke Moen Jo Daro Aur Harappa Tehzeebon Se Rawabit Buhut Gehre Aur Dostana The. 108

--> Hamari Sub Zibanon Ke Rasm Ul Khaton Ki Bunyad Yehi Aaraami Rasmul Khat Hy. 111

--> Pehli Chhapa Mar Fauj Banane Ke Tarah Imtiyaz Bhi Wadiye Sindh Ke Bashandon Hi Ke Sar Hy. 115

--> Wadiye Sindh Ke Bashandon Per Yun To Sikandar Ke Hamle Ka Koi Khaas Thezeebi Asar Nahin Hua. 115

--> Vedic mazhabon ke mutabik ‘Maal / مال’ per sub ka ikhtiyar hy chahe kisi ki bivi hi kyon na ho. 120 --> Moen Jo Daro, Mirpur Khas, Sehwan Aur Sudran Jo Daro Main Budh Stoopa Ke Aasar Batate Hyn Ke Kisi Zamane Main Ye Saara Elaqa Budh-Mat Ke Zer Tha. 122

--> Zaaten (Castes) Darasal Peshe Hyn. 124

--> Wadiye Sindh Aur Yunaan Ke Darmiyan Gehre Rawabit The. Ibtida Main Ye Bahao Taxilla Se Yunaan Ki Janib Tha. Hatta K Khud Yunaani Morkhon Ne Ye Likha He Ke Kayee IDEAS Yunanion Ne Hindustaniyon Se Uthaye Hyn, Jab 6ti Sadi Main Iran Urooj Ke Zamane Main Wadiye Sindh Se Yunaan Tak Iran Hakim The. 125

--> SAAKA QABILA / WAHEEKA (PUNJABI N PATHAN) . page. 131-132-133

--> Gandhara Art (گندھارا آرٹ) :- Aryn, Yunani, Saaka, Paarthi Aur Kushan (Cheeni) Tehzeebon Ka Nuchoor Hy.

--> Wo Jo Dukhi Insaniyat Ko Khuwahishon Ke Maya Jaal Se Azad Karwane Nikle The Khud Maya Jaal Main Phans Gaye – Bhakhshoo Mahant (مہنت) Ban Gaye. 141

--> Moen Jo Daro Main Bhi Ittefaq Se Sub Se Ooncha Khandar Stoopa (Budh) Hi Ka Hy. 144

--> Sindh Hunoon (ہُنوں) Ki Barahe Raast Dast Burd Se Bach Gaya Tha Is Liye Ke Yahan Budh Mat Ka Zor Hanooz Toota Nahin Tha. 147

--> Haqeeqat Ye Hy Ke Paachvi, Chhati, Aur Saatven Sadi Ka Zamana Pakistan Tehzeeb Ka Tareekh Tareen Daur Hy. 148

--> Arab Aur Sindh Ke Taluqaat Hazaron Saal Purane Hyn. Zahoore Isalm Se Sadiyon Peshtar Tijarat Ke Liye Arbon Ko Cheen Tak Jana Parta Tha. Beech Main Sindh Bhi Unka Bara STOP Hota Tha. 149

--> Sindh Ke Log Budhmat The. “Arab Hamla” Main Raja Ddahar راجه ڏاهر (Jo Ke Hindu Tha) Ki Madad Ke Bajeye Arbon Ka Saath Diya. 152-153

--> Hajjaj Bin Yousuf Ne Sindh Ke Baagdor Jaan Bojh Kar Nazam O Nasaq Pe Rakhne Ka Bandobast Shuru Se Ii Kiya Hua Tha. 156-157

--> (Arbon Ka Sindhyon Se Sur Sindhyo Ka Arbon Se Shadi Karna) … Un Se Jo Makhloot Nasal Nikalti The Wo Arbi (Iraqi) Aur Sindhi Donon Zibanon Per Qudrat Rakhte The. 158

--> … Jo Ismaeeli Naven (9) Sadi Main Sindh Main Warid Hue Wo Qurmuti The. 159

--> Wo Likhta Hy Ke … (964 AD Main Sindh (Ird Gird) Ka Hulya – ) … Page. 163

--> Daraowur, Arya, Saaka, Irani, Yunaani, Kushan, Hun, Arab, Turk, Afghan aur Mughul – Ahle-e-Pakistan ka Khameer --> Barsagheer Pak O Hind Main Quran Ka Pehla Tarjuma Sindhi Main Hua. 167

--> Urdu Main Tarjuma Ek Hazar Saal Bad 1791 AD Main Hua. 168

--> Abu Hanifa Ke Ajdaad Bhi Sindhi The. 168

--> Hindsa (Geometry) Ki Ibtida Sindhi Se Europe Tak. 176

--> Arbi Alfaz Ki Waja Se Sindhi Lughat Ka Zakheera Buhut Wasee’ Hogaya. 178

--> Multan Ke Ooper “GAIR ELAQA” Shuru Hojata Tha. 179

--> Lekin Tareekhi Haqeeqat Se Inkaar Nahin Kiya Ja Sakta K Mughlon Ki Amad Se Peshatar Tak Tasof Ke Sub Se Bare Markaz Multan Aur Uch The. 189

--> (1193 Se 1524 Tak) .. Sindh Ke Beshtar Elaqon Per Dehli Ki Girift Hamesha Dheeli Rahi. Markaz Jab Kabhi Kamzor Hua To Ehl-E-Sindh Ne Moqa Pakar Apni Khud-Mukhtari Ka Elan Kardiya. 194-195

--> Lekin Sindh Ka Tabqa Umra Irani Ziban Aur Tehzeeb Ko Badastoor Kharaj Ada Karta Raha. 195

--> Ager Salateen Dehli Moviyon Ke Kehne Per Chalte To Un Ki Saltanat 333 Baras Kya 33 Din Bhi Salamat Na Rehti. 201

--> Ismailiyon Ke Ek Muqaddas Kitab Ka Naam Das Otar Hy. Us Main Allah Ko Barahama, Adam Ko Shiva Aur Hazrat Ali Ko Vishnu Se Ta’beer Kiya Gaya Hy. 209

--> Hindu Dharam Main Samandar Ka Safar Mamnoo’ Tha. 209

--> Bhagti Tehreek Panjab Aur Sindh Main Shumali Hind Se Pehle Puhunch Gai Thi. Wadiye Sindh Bhagti Ka Parchar Karne Walon Main Naam Dev, Saadhna, Aur Guru Nanak Jee Zyadah Mashhoor Hyn. 218-

--> Mahdi Mauood (af) Ka Aqeedah. 228

--> Mahadvi Zaati Milkiyat Ke Khilaf The. 229

--> Mamlikiyat Ke Umoor Main Dehaat Ke Bashandon Ko Koi Dakhal Nahin Hota Tha. Is Waja Se Un Ko Is Se Koi Dilchaspi Nhi Hoti Thi K Dehli Ke Takht Per Kon Betha Aur Kon Ma’zool Hua. 238

--> Shaikh Al-Islam, Sadr Al-Sudoor, Aur Molviyan-E-Deen Ki Kaar Guzariyan. … Un Ka Maslak Zar-Parasti Tha Na Ke Khuda-Parasti. Page. 302-309

______________________________
Summary and Excerpts by abro

No comments:

Post a Comment

Related Posts Plugin for WordPress, Blogger...