TKK - Lohe Ka Zamana

TEHZIB KI KAHANI
Lohe Ka Zamana (3)
Dr. Mubarak Ali
.

Summary:

Tehzib-e-Barsagheer (South Asia)

Cheeni Tehzib

Yunani Tehzib

Romi Tehzib

.

Excerpts:
"lekin kaansi ne jin tehzibon ko peda kiya wo chand elaqon me simti hui thin, yani mesopotamia, misr, wadiye sindh aur cheen. is ki waja ye thi ke ye tehziben un elaqon main ubhrin ke jahan darya the aur kheti bari ke liye pani kafi miqdar me tha." 13
.
"1400 QM me ek qaum jis ka nam Hitties tha, ye maujudah turkey ke rehne wale the, unho ne na sirf lohe ki dhat ko naye sire se daryaft kiya, bulke use istimal bhi krna shuru kiya. Hittiyon ka ek karnama ye hy k unhon ne hi sb se pehle ghore ko sudha kr use sawari, kheti bari aur jangon ke liye istimal kiya. Warna Kansi ke zamane me ghora insani aur tehzibi zindagi me nahin tha. Is liye kaha ja sakta hy k lohe ki dhat aur ghore ne mil kr insani tehzib ki riftar tez kardiya." 14
.
"ab hath se kam karna zillat ka baais hogaya." 18
.
"ab tk ye samjha jata tha ke Arya hindustan per hamla aawar hue aur unho ne maqami bashandon ko mar mar kr peeche dhakel diya. Lekin ab jo nai tehqiq hui hy is me aarya hamla awar nahin bulke ye ese groh ya jamaten thin k jo waqtan fawaqtan yahan aye aur yahan aakar abad hue." 21
.
"apne ibtidai zamane me ye log maujudah panjab me aakar abad hue, pehli ved 'rigved' yahin per likhi gai magar ahista ahista ye wadiye sindh se aage barhte gaye... Ganga Jamna ki wadiyon me jakar abad hue aur dekha jaye to yahin per in ke mazhabi aqeede pukhta hue." 22
.
"barhamno ne mazhab aur syasat ko apas me mila diya." 40
.
"noker shahi ke idare ki bunyad Haan Khandan k hukmuran Chaosu (206-195 QM) ne dali." 53
"chin k ye ehde dar Mandarins kehlate the."
.
"wo (chini) bemariyon ka elaj jadu tone se nahin karte the bulke jari bootiyon se dawain tayar krte the." 60
.
"chai 2 sadi QM me pina shuru hui aur jald hi is ne ek fun ki shikil ikhtiyar kr li." 66
.
"(athenes k logone ne 594 QM me) Soolan nami ek qanun dan ko apna sarbarah banaya... Is ne Asembly k idare ko shuru kiya k jis k mimber tamam azad shehri ho sakte the. Jajon ka intekhab b log mil kr krte the. Athenes ka ye nizame hukumat Jamhooriyat kehlaya." 72
.
"athenes k log in gulamon k itne aadi hogaye the k bachon ki talim o tarbiyt bhi inhi k zime kardi thi. In gulamon ki waja se Yunan aur Athenes k logon ko fursat mil gayi. Ager muashre me ye gulam na hote to yunan k danishwar, falsafi aur artist itne karname anjam nahi de sakte the.
Ye tarikh ki bd qismati hy k in gulamon ko bhula diya gaya.." 75
.
"Yunan me 800 QM tk log likhna nahi jante the." 80
.
"Athenes me jb shehri ryast mazboot hui to qanun dan Soolan ne aurton k bare me sakht qawanin bnaye. Ab umra ki aurtain parde me rehti thin. Jb bahar jatin to chehre per niqab dalti thin. 88
.
"matmi log kala libas pehn kr juloos ki shakal me qubrustan jate the . aurten apne balon ki ek lat kaat kr murde k sath rakh deti thin. Wo apne ek gaal ko bhi zakhmi kr liti thin take us se khoon nikle, ye gam aur afsoos ke izhar k liye tha." 92
.
"lehaza jahan Yunani Tehzib ne zehni taraqqi ke raste khole, wahan Romi Tehzib ne Syasi idare batoore wirsa diye." 97
.
"buhut se shahanshahon ko un ke marne k bad davta bna kr unki pooja ki jati thi. (rome)" 106
.
"romi faujizon ko roz ek lehsan khana hota tha, take wo bimari se mehfooz rahen." 116

________________________

TKK - Kaansi Ka Zamana

TEHZIB KI KAHANI

Kaansi Ka Zamana (2)
Dr. Mubarak Ali
.
.
Summary:
.
1. Summerian & Babylonian Civilization
ek esi thezib jo Taajir thi, jis ke sbhi contemporary civilizations k saath links and len den thi, is hisab se inhon ne baaqi dunya se buhut kuch seekha. Syasat aur Mazhab alag alag hota tha.
.
2. Egyptian Civilization
ek Badshahi civilization, jis main Badshah ko unlimited ikhtyarat the, yehi Badshah Mazhabi Leader b hota tha. Ghareebon ka istehsaal hota tha aur Ameeron ke pyramids bante the!
.
3. Indus Civilization
ek Aam Admi ki civilization, kisi bare badshah ya kisi bare mazhabi leader ki koi khas shanakht nahi milti, log khush haal aur family type the, jang o jadal ka koi suboot nahi milta, bachon ke khelne ke khilone milte hyn. Ulma is baat per ab tak heeran hyn k itni bari tehzib jo Sindh se Balochistan, Afghanistan, Rasjisthan tak pheli hui thi, aya konsi Taqat is sub shehron ko jorti thi, jo ek hi tehzib the !!!
.
.
Excerpts
.
". . . is lye kaha jata hy k tehzib shehr me peda hoti hy gaon ya dehaton me nahi." 19
.
"junoobi mesopotamia me koi dhat nahi hoti thi, is lye unhe auzar aur hathayar banane k liye dhaton ko bahar se lana parta tha." 28
Comnts: ye bt apni jaga per buhut sakht hy k ek tehzib k pas wo chez na ho phr bhi wo is ka istimal sekh len, khusosan mesopatamia tehzib k liye, jin se purani tehzib aur koi kahi nahi jati. !
"imatraten banane k liye lakri aur pathar bhi bahar se lana parte the." 28
sumerian 1st class tajir the, unki tijarat, khalije faris (tanba), iran (tin), kohe toor (chandi), sham (lakri), uman (pathar), badkhashan (gems), hindustan (moti), sindh (muhren, anghootiyan, bartanon k sanche), aur behren tk pheli hui thi. Esi soorat me ye qayas krna buhut asan hy k unho ne sb kuch dusri tehzibon se seekha!
.
"sumeri tehzib me ahista ahista devi o devtaon ki tadad barhti gai. is ki waja ye thi k insan ki zaruriyat barh rahin thin. is k sath hi use devi o devtaon ki madad ki zarurat ho rahi thi." 30
.
"sb se pehle jin logon ne likhna parhna seekha wo mandiron ke pujari the." 32
.
"sumeri tehzib me art ki ibtida mazhabi aqeede ke teht hui." 32
.
"sumeri samaj me tabqat ke lehaz se oonch neech ho chuki thi." 33
.
"tehzib ki taraqqi ne jang ko peda kiya." 37
.
"babil k log kai deviyon aur devtaon ki pooja krte the. wo shetan ko bhi mante the aur us se darte the." 41
Comnts:-ye bt Ali Abbas Jalalpuri ki bt se mukhtalaf hy, jo kehta hy “shetan ka tasawur majossiyat sy yaadgar hy. Bani Israeli ibtida main shetan ke qail nahi the blke apne Khuda wande Khuda Yahwa kw kher aur shar ka mubd samjhte the. Jab Banukad Nazr Shahe Babil ne Yarooshlam per qabza kia to tamam bani israeli ko qedi bana kar babul le gaya jahan wo kam o besh asi (80) bars tak aseeri ki halat main muqeem rahe. Isi doran main unhon ne babul se Meelad-e-Adam, Jannat-e-Adan, Toofan-e-Nooh, Shajar-e-Hayt waghera ky saath Shetan ka tasawur bhi musta’ar lia. – Insan aur Kainat, page. 14”
.
"misr me syasat aur mazhab apas me mile hue the." 56
.
"mummy bnane ke is fun ki waja se misr k log insani jism aur is ki banawat se waqif hogaye the, jis ne surgery ke ilm ko aage barhane me madad di." 57
.
"misr k logon k khane me roti ek ehm unsur hua krti thi." 65
.
Wadiye Sindh
"asare qadima ki daryafto se ye bhi malum hua k 5000 BC me tandoor se roti pakai jane lagi thi. kachi eenton ke makanat banne lage the. magar abhi tk koi tehrir eejad nahi hui thi." 69
.
"ab tk is ki 1500 bastiyan daryaft ho chuki hyn, jin ki muddat 2500 BC se 1900 BC tk hy. ye bastiyan balochistan, sindh, punjab, haryana, gujrat, rajisthan aur maghrabi utar pardesh me mili hyn. is se andaza hota hy k wadiye sindh ki tehzib wasee' elaqe me pheli hui thi." 71
.
"wadiye sindh ki tehzib, kansi ke ehd ki dusri tehzibon se is liye bhi juda hy k yahan mesopotamia ya cheen ki trah "shehri rayasaten" nahi thin (jo ksi ek taqat ke matehat shehron ko milati) bulke ye shehr ek dusre se jure hue the." 73
.
"shehr ki is mansuba bndi se andaza hota hy k log nafis zoq rakhte the. safai ka khayal ghar aur ghar se bahar donon jaga per tha. is se shehr ke intezam ka bhi pata chalta hy." 74
.
"taqriban 60% muhron per kohan wale bail ki tasvir hy jo unicorn kehlata hy." 78
.
"logon ki umar ausatan 30 sal tk hoti thi." 81
.
"ek khas bat is tehzib ki ye hy k is me hamen qatl o gharat gari ke bare me koi shuwahid nahi milte hyn. esi koi tasvir kisi muhr per ya deewar per nahi mili jis me jangi qediyon ko dikhaya gaya ho ya fatah ki yadgarain tameer karai gai hon." 85
.
"ye fitrat aur us ke mazahir ko poojte the... fitrat inhe tahaffuz deti thi. inhe ghiza farahm krti thi, lehaza ye ise tbah krna nahi chahte the bulke is k sath qaribi rishta aur taluq barqarar rakhna chahte the." 85
.
"jin mulkon se tijarat hoti thi in me khalije faris, wast asia, aur mesopotamia shamil hyn. in mulkon se wadiye sindh ki muhren dastyab hui hyn jo in k tijarati taluqat ko zahir karti hyn." 86
.
"wadiye sindh ki tehzib jo irtiqai tor per ubhri aur pheli 1500 BC me ye achanak gaib hogai." 87
.
"esa malum hota hy wadiye sindh k log ek dusre se samaji aur saqafati zarooriyat ki waja se jure hue the. syasi qoowat aur jabr se nahi, kyon k yahan na badshah tha aur na bari saltanat. is ki roshni me is tehzib ke bare me rai di jaye to kaha ja sakta hy k ye log sahih manon me muhazzib the." 88

________________________

TKK - Pathar Ka Zamana

TEHZIB KI KAHANI

Pathar Ka Zamana (1)
Dr. Mubarak Ali


.
Summary.
Qadim Pathar Ka Zamana
(20 lakh sal - 80 hazar sal)
Insan khana badosh tha,
Ghiza talash kr k khata tha,
Pathar k auzar buhut shurwati hyn.
Aag ka istimal/eejad is dor ke aakhr tk ghaliban ho chuka tha, jis ka isne pehle mazahire qudrat se mushahida kiya, phr pathron k ragarne se iski eejad ki!
.
Darmayani Pathar Ka Zamana
(80 hazar - 40 hazar)
Is dor me insan k hathyar zyada taraqqi yafta hogaye,
Insan daryaon k kinare rehne laga take selab/pani se faslen ug ayen, aur faslon k khatam hone tk ye waheen pe tika rehta.
Insan ne maveshi palna seekha.
Murdon ko dafan karne ka ravaj tha.
.
Jadid Pathar Ka Zamana
(40 hazar - 10 hazar)
Auzar zyada taraqqi yafta hogaye, ek dhaar wale se multi dhaar wale hogaye.
Logon ne pathron aur matti (gaare) se ghar banane seekh liye.
Kheti Bari sekh li,
Zamin milkiyat bn gayi,
Darja bndi hone lagi,
Anaj ki zakhira andozi hone lagi,
Jangen hone lagi (milkiyat aur zamin ki waja se),
Kapra buna jane laga,
Kutta palto janwar bna,
Matti k brtan bnaye gaye,
Phaiyya ejad hua,
Rooh, Jadu, aur Khushhali k liye rasm o ravaj zahoor pazir hue.
.
.
Excerpts:
.
"kaansi dor ka tehzibon se meesopotamia, iraq, aur cheen tehriron ko parh liya gaya hy. Magar wadiye sindh ki tehzib ka rasmul khat ab tk parha nahi ja saka." 19
.
"dekha jaye to insan janwaron se mukhtalif hy. Janwaron ke auzar un k sath hote hyn. Un ke panje, nakhun, aur daant un ke hathyar hyn jin se wo apni hifazat bhi karte hyn aur Ghiza bhi hasil krte hyn. Insan apni hifazat ke liye aur ghiza hasil krne ke liye apne auzar aur hathyar khud banata hy. Is liye is main zahant aur jiddat hy jo use doosre janwaron se alaihida krti hy." 26
.

"hm dekhte hyn ke jb bhi insan ne naye auzar banaye, ya un me tbdili ki, to us k natije me tbdili ayi. Us ne insan aur samaj ko badla jis se ek naye zamane ki ibtida hui. Ek naye dor ka aghaz hua." 36
.
Kasht kari aur Bastiyan
"insani grooh un elaqon me abad hona shuru hue ke jahan daryaon ka selab ata tha aur jb pani wapas jata tha to apne peechhe wo zarkhez mitti chhor jata tha." 53
"mahreene asare qadima ne darmyani ehd ke buhut se gaon falastin, sham, iraq, aur iran me khudai ke bad daryaft kiye hyn. Is se unhon ne ye natija nikala hy k kaasht kari aur maveshiyon ko palne ka ravaj falastin se phela, yahan se ye misr gaya aur phr bar saghir hindustan tak aya." 53
.
"mahreen ke mutabiq insan ki ausatan umar ab bhi kam hi thi, wo 15 se 28 sal tk k arse me zindagi guzar kr mar jata tha."
.
"jadid patha ke zamane ke is inqilab ki shurwat asia se huin aur phr yahan se ye phelta hua ye europe tk gaya." 57
.
"jadid pathar k dor hi me shayad insan ne phaiye ki ejad ki jis ki waja se technology me ek inqilab aa gaya." 70
.
"zaraati muashre me zamin ki ehmiyat thi. Jb kheti bari ki jati thi to zamin me beej dala jata tha jo poode ki shakal me bahar ata tha, is waja se zamin ko aurat ka darja dediya gaya aur use 'dharti mata' kaha gaya." 72
_______________________