Anti Socialism

ANTI SOCIALISM

1. Tabqati Nizam
Tabqati Nizam is Kainat ka Hissa hy.
Dunya to Dunya … Jannat o Dozakh main bhi Tabqe honge.
Tabqon ke bagair insan kabhi apni aap ko (apni ehliyat ko) nahi pehchan sakta.
Is Dunya main Tabqe kchh Apne Abilities ko Utilize Karne / Na Karne, Kuch Apne Nafs pe Zulm Karne / Na Karne, To Kuch Imtehan ki Soorat ki waja se hyn.
Akhirat Ke Tabqe Apne Kartooton k Bina per honge. (Halanke ye baat apni jaga per hy ke Akhirat main (khusoosan Jannat main) Chhote aur Bare Tabqe wale ek doosre se Hasd Na Rakhen ge ..)
LEKIN Tabqe yahan bhi aur wahan bhi hyn … ye to Truth hy.

Tabqati Nizam Nature ka Hissa hy. Is ko Khatam Kar kar b Khatam Nhi Kiya ja Sakta.
(shahar shahar mulk mulk to door ki bat even chhote chhote idaron mai b oonch neech ka faraq hota hy). Is oonch neech se farak nhi parta. Kyon k ye oonch neech PROFESSIONALY (zariyae mua'sh) hoti hy. Ab chahe koi apne dhande se lakhon rupe kamata ho ya koi chhota mota dhanda krta ho. Jb tk Halal kama raha hy. Tb tk na wo bura na ye bura. . . Her koi apne apne mayar se jee raha hy. . . Yakeenan jis k kaandhe pe zayada bojh us k zimme zyada zimmedariyan. (sindhi mai kehte hyn na: jeddo uth tedda lodda)


2. Zati Milkiyat
“MARX KI RAI MAIN HINDUSTAN KE MUASHIRATI JAMOOD KA BARA SABAB YE THA K ZAMEEN KISI KI ZAATI MILKIYAT NAHIN THEE”. Page.386

Cheezen taraqqi ki raah nahin leti jab tuk wo MILKIYAT ke zumre main nahi aatee.
Insan ko cheezon se muhabbat tabhi peda hoti hy jab un pe APNAIYAT paata hy.
Jub ek chez Sirf aur Sirf Meri hoti hy to insan us ko Sanbhal kar bhi rakhta hy, us ki Hifazat bhi karta hy. Aur usko mumkin Taraqqi bhi deta hy.
Iska chhota sa misal tum apni Zaati Cheezon ko hi lekar dekhlon. Jo tmhara Computer, tuharea Bed, tmhara Kamra ab jis shakal main hy wese hargiz nahi rahega ager usko 15 bnde use karte hon. 15 bndon ke use karne ka ye matlab na hoga ke wo zyada taraqqi payengi kyon ke ek k bajai ab 15 hyn. Actually aur bhi zawal ka shikar hongee, kyon ke psychologically her bande yehi soche ga Main Kyon Dekh Bhal karon jab use subhi kar rahe … ye baat samajhna buhut asan hy is ke Practical Misalen Dunya Jahan main her Jaga tumhe milengee …
Matlab jab tak Zaati Milkiyat hy tab tak cheezon main taraqqi ayegee … (cheezon main taraqqi aana matlab dunya main taraqqi ayegee aur tumhare maayar-e-zindagi buland hoga), aur jab Zaati Milkiyat Nahin to cheezen Danwadol …

“Injeel Main Hamen Qadeem Socialism Ka Koi Wazeh Tasaur Nahin Milta. Hazrat Maseeh Na Tabqati Imtiyaz Ki Mukhalifat Karte Hyn Na Zameen Ko Dehqanon Main Taqseem Karne Ka Mashwara Dete Hyn Aur Na Masawat Ki Talqeen Karte Hyn.” . page. 77



3. Ghulami/Naukri
Islam ne Ghulami ko mansookh nahi kiya. Aur na kar sakta hy. Kyon ke ye Fitri Taqaza hy. Is dunya main her qism ke log rehte hyn, jin main se kai Muash ko bhagdor kar kamane ke chakar main nahi ate/ ya wo is ko pasand nahi karte/ ya unko ye sub kuch aata nahi. Albatta unko koi kaam dedo to wo bakhoobi usko mukhlis tareeke se anjaam denge. Ghulami ek hawale se aaj be Raaij hy bus Modern Word NAUKAR ke libas main. Aur in Naukaron main se kai ese hote hyn jo bare bare gharon main is tarah rehte hyn k Rehna Khana Peena sub waheen hota hy. Wo apni family se bhi kabhi kabhar ee milte hyn. In main se kayii khud Us ghar se rishte main Related hote hyn per khud zati tor per Ghareeb hone k naat apni is zandagi ko pasand karte hyn. Ye koi main ap ko Fictious stories nahi suna raha. Ye bilkul ayaan hamare muashre main aam jaam hy. Africa ke ghareeb logon ka tasaur karo. Wo apni us ghurbat wali life se ksi ameer ka naukar/ghulam hona zyada pasand karenge. (is se unka mayare-e-zindagi bhi buland hoga, aur phir life main azad hone ke baad khud Behtri ka sochen ge. Kyon ke jis ne kabhi Nayi Dunya ke rung dekhi i nahi to wo behtri ka kese sochen. Hamare pas kai ghareeb ese hote hyn jo kafi pese kamane k bawajood pusht dar pusht ghareeb i rehte hyn, jese ye ghurabat un ke dimagon per haawi hogai ho, aur is se chhotkara pana namumkin hogaya ho. Ye na-mumkin hota nahi per inko pata nahi hota chezen kese badalni chahiyen. … aur ye buhut asani se badad sakti hyn … ager hum ye kahen ke un main se koi ek fard bhi mahz ek saal tak i kisi ameer ki ghulami main raha ho.)

Ghulami ka ek aur benefit Behayaee ko khatam karna b hy. Aaj hazaron bachiyon ki izzat ghurbat ke kaaran loot lee jati hy, kyon ke inki awaz koi nahi sunta. Ager ye ksi ke Kaneez k zumre main ajati to Muashre be-rah-ravi se aram se bach jata.

Ghulami koi Be-Izzati nahin. Jub tak banda Halal Roti kama raha hy tb tk Well n Good hy, Haram kamane wala chahe kitna he Safed Posh kyon na ho Wohi Zaleel o Khuwar hy. Ager Ghulami main kaheen Karahat hy bhi to Doosri jaanib Islam ne us per Kai Sakhtiyan bhi kam ki hui hyn. Ager ek Azad koi gunah kare to us per jo Saza hy to Ghulam per kam (ya Aadhi) hy. Aur Kayii Huqooq to Maaf hyn.

… Jub muashre ke basic rules ee Ghulam Master pe bante hon to (Marx ka) socilism kesa !!! masawat kin bunyado per ?! jub Fitrat ee US masawat ki Ikhtalafi ho!


4. Social Animal by Nature
Ager Insan Fitri Tor per Social peda hua hy to …
Fitrat Hamen Tabqat aur Darja Bandi ka Dars Deti hy.
Ap Biology ke subhi Social Animal pe research kar lijiye … Ant, Makoora, Deemak, Bee … subhi main ek Family System hota hy …. Ek Female hoti hy jis ka kaam sirf bachhe peda karna hota hy .. chand males hote hyn jin ka kaam sirf aur sirf female k sath sex karna hota … chand so soldiers hote hyn jin ka sirf kaam security provide karna .. aur baaki hazaron laakhon main mazdoor hote hyn jo sex organs se aari hote hyn aur jin ke mutafirraq kaam hote hyn, kuch female ke bachhe paalte to aksar ka kaam khaana talash karna hota .. aur us Khaane main SUB shareek hote (un ke liye be jo bache palte, un soldiers k liye b jo jab tak phadda na hon waande bhetha hote !!!) (matlab ye ke kaamate ek hyn khaate sub hyn, phir bache palte ek hyn, bache pede doosre karte hyn, kuch doosre mukhtalif kaam karte hyn, … to ye hy Real Social System, Na kamane wale/ khana dhoonde wale ye kehte hyn ke tum apna khana khud dhoondo, na security provide karne wale ye kehte hyn k main kyon tumhari madad karon.)
Marx khud hi kehta hy Insan Social peda hua hy.
Ager Social peda hua hy to phir (real) Socialism Tabqati Nizam ka dars deti hy.
Ye tabqati nizam maine ya tum ne nahi banya bulke khud Fitrat aur Kainat is baat ki gawah hy.
Sub Mazdoor nahi ban sakte aur Na Sub Mazdoor deegar faraz ajnaam de sakte hyn. (Jis Ka Kaam Usi Ko Saajhe.)
Is tabqati nizam main koi kisi ka Haq nahi maar raha. Jo jismani taqatwar hy us ke khaate main jismani kaam ayega. Jis k paas dimag hy to us k pas dimagi. Na dimagi kaam karne wala sakht jismani kaam kar sakta hy na jismani kaam karne wala dimagi. Ye bat ka sirf ek pehlu hy. Warna dunya mian hazaron variatios mil jayenge. Ager ek banda ek field main master hy dusra dusri teesra teesre … jub sub mil kar kaam karenge tbhi baat ke haqeeqat ki inteha tak puhuncege. … [lekin mil kar kaam karna ka matlb ye nahi ke sub mazdoor ban jayen ?! ager ek banda Zemeen provide kar raha hy, raw material provide kar raha hy… doosra sirf us zameen per mehnat kar raha hy to ye khud milkar kaam karni ki shakal hy.]

~Haqiqat mai (sunnat bazil adam k 4thi esvi k khayalau k brkhalaf. Page. 80_81) Janwaron mai b ISHTARAKIYAT Nahein!
Kutte, Bheriye, Sher, Cheetah, Tiger, Bakre, Reechh . . . Etc. Apne peshab/paseene waghera se apne borders kheenchte rehte hyn aur her maheene (waqtan fa waqtan) use taza krte rehte hyn. . . . Beviyon(females) k mamle mai to janwar aur b sakht hyn. Takreeban sb janwaron mai unki biviyon per qabza krna mtlb us se sb Saltanat wa Riyasat chheenna. (is ki achhi misal Lion, Sea Lion, Gorilla mai dekhi ja sakti hy.)
.
.
[Note: Excerpts and page ref. are from 'Musa se Marx tak']

Socialism-Not Natural

SOCIALISM - NOT NATURAL

Muashre mai inqalab aur islah kbhi nahi aa sakta jb tk dimagon mai inqilab na aye. . . Tm bhale ek chezen utha kr dusre ko de do, dusri utha kar ek ko dede . . . Buhut sara utha kr ek k supard kar do k wo chahe usko ab jese istimal kare ya buhut sara kuch logon mai bant do . . . Ye sb maadi dunya ki madi ashaya ki ulat pher hy . . . Is se maushre mai kbhi islah nahi aa sakti . . . Kbhi kharabi ek jahat se to kbhi kharbi dusri jahat se maujud i rahe gi . . .
Koi Socialism ya Capitalism mushre ki islah nahi kar sakta, kyon k yaqeenan aj ki dunya mai 2 qism k log bus chuke hyn, jin mai se ek (is hisab se) socialisn k tarafdar hyn, to ek capitalism k, maze ki bat ye k inki sochen badalti rehti hyn. Ager garheeb ko utha kr ameer (Sarmayedar) bna do ya ameer ko utha kr gareeb bna do to , Socialsm wala Capitalism Capitalism krta phrega aur Capitalism wala Socialism Sociolism,.. Socialist k gun gane walun ko hasd ki bunyad per ye bardasht nahi hota k agr Dolat hmere pas nahi to dusron k pas kyon ho! (A bitter truth) . . .
Maushre ki islah mahz dimagi inqalab se i aa sakti hy aur dimagi inqilab sirf Mazhab se ata hy, koi socialism vocialism nhi lati (chalo ager man b liya jaye k socialism waghera se dimag mai tbdeeli ati hy to ye tbdili sb k liye yaksan nhi , ye tbdili 'tabqati etbar se' mahz ek group k logon mai ati hy aur un mai b ye tbdili apni dushman tbdili k sath interchangeble ho sakti hy, matlab ye tabdili unki FIKR k saath nahin bulke unki Maadi Haalat se marboot hy!!!
Socialism ki theory koi UNIVERSAL TRUTH per mbni nhi. Aur jo "univesal" na ho wo kbhi muashre mai nahi chal sakta. [jis k lye khud socialism ki tareekh gawah hy!!!]
.
.
SOCIALISM IS THE MATERIALISM
.
~Socialism ek esa ilm hy jis ki ehtiyaj un logon ko mehsoos hoti hy jin k pas ISLAMI FIKR na puhunch ho. Haqiqat mai iski zaroorat i tb parti hy jb muashre mai Islami Fikr maujood na ho. Ye Sarmayadari Nizam apni Us Shakal mai muashre mai maujood hi na ho ager Islami taleemat sahi mana mai muashre mai nafiz hon... k hame socialism jese usool nafiz krne pare !!!

~Socialism basically un logon ki soch hy jo mada-parast hy. Aur jo khud gurbat k lapet mai hyn. In ko utha k agr 'zarae pedawar' ka malik bna do to yakeenan in ki soch socialism se capitalism mai cnvrt hojaygi. Ye log Hasd ki bunyad per nhi chahte k Dolat ksi Insan k hath mai ho. . . Chunke ye madaparast hote hyn is lye in k nazdeek ‘Hum inhi Insanon (Dolatmandon) k rahm karam per hyn.’ ye soch kr phr inse ye soch brdasht nhi hoti. . .

~Jitne b Socialism k Naqeeb [parchar krne wale, gun gane wale, dhol peetne wale] hyn/guzre hyn. Wo sb ghareeb ya intehai ghareeb the.
Marx: jis k bare mai to Wikipedia pe "Hand to Mouth" jese alfaz likhen hyn.
Engles: ye b koi ameer na tha, bulkhe nokri k hawale se hamesha 2 4 hona para.
Rouseou (French): isne 12 sal ki umar mai taleem tarak krdi aur mu'ash kamane per majboor hua. 167
Mabli: padri tha. 173
Babiyo: k walden nichle darmayane tabqe se taluk rakhte the. 177
Saint Simon: pehli bat to mehz khayali socialist tha (aya socialist use kehna munasib hoga ya nhi ya uski tehreeren mahz pese kamane k lye thi). Simon bhale i ameer gharane se tha per jb tk ameer tha tb tk use Socialism k fikr na thi, jb 41 sal ki umar mai ghareeb bulke intehai ghareeb jo uska mulazim iski khabr geer leta hy. Tb (socialism se milta julta) likhta hy
"is k mansube kutub khanon ki zeenat bn gai. Francesi qaumon ne un per kbhi amal nahi kiya. 188"
Robert Owen: "iska bap lohe ka saman bechta aur ghoron ke saaz banata bnata tha. Owen ne 7 sal ki umar mai madarse ko kherbad kaha aur qasbe hi k dukan mai naukri krli. 188"
. . .
Charles Foriyer: iske bap ki kapre ki dukan thi, bap ki wafat k bad apni sari ponji kho bhetha, fauj mai jabri bharti hua aur 2 sal tk kam krna para, akhri umar clerki mai guzardi.
.
.
[Note: Excerpts and Page Ref. are from 'Musa se Marx tak' by Sibte Hassan]

Chapter 23_Qadr-e-Faazil aur SARMAYA

Chapter 23
QADR E FAAZIL AUR SARMAYA
(Musa se Marx tak by Sibte Hassan)

Marx ki book 'SARMAYA' (Das Kapital) per.
.
.
.
CRITICS: [Anti-Socialism]
Marx ne jo Points define ki hyn Sarmay mai:
pehli bat wo bunyadi tor per in tags per mushtamil hyn
Pedawar, Sarf, Sarmaya, Qadre Faazil..
Dusri bat sari ki sari points bunyadi tor per sirf haqiqat ka rukh bayan kar rahi hy. (yane muashra kis nizam k taht chal raha hy ya muashre mai kya ho raha hy..), in points ko lekar kya PRACTICALY (step by step) iqdamat uthane chahiyen.. Ye Nhi Bata Rahi..
Ek dusri bat wo points kya UNIVERSAL LAWS per mbni hyn ya Marx ki man ghart* hyn. , is per alag se gaur o khoz kiya ja sakta hy. (manghart lafz sahi mana mai use hua hy yane jo marx k ‘man’ ko sahi laga)..

Marx ki un points pe ek Khas bat jis per Marx ne buhut zor diya hy. ‘Mazdor/Mehantkar ki Ujrat’ hy.. Marx ka kehna hy k Mazdor jitni mehnat krta hy us ko utni (mehnat k muwafiq) ujrat nhi milti bulke hamesha kam milti hy, phr ye kitni kam hoti hy ye mukhtalf jagahon per mukhtalf ho sakti hy kbhi mazdor ko shayad mehnat ka aadhe se b kam milta ho kahen aadha to kehen shayad adhe se kuch zyada..
PER Marx per pehla etraz ye hy k agr pedawar ka sb ka sb mazdor le jaye to Malik ka kya us mai koi hissa nhi, malik ne jo zameen/factory provide ki, raw material ka bndobst kiya, dusre akhrajat wa services ki taklefn jhelen to kya wo ajai o bekar gain!?.. Ager mai ek zamen provide karon, us mai beej ka bndobst karon, pani k lye laroon, bijli aur dusre akhrajat aur taklfon se nibard azma hun phr ek haari ko uski dekh bhal k lye lagadon. To kya fasl katne per sb haari lejaye? Ye keh kr k Mehnat maine ki hy!
Halanke is sare process mai shuru se akhr tak zehni ‘moonjhare’ (iztaraab) aur Risk jesi taklefon ka samna hamesha malik ko krna parta hy.. Mazdor ko to FIX ujrat mil rahi hoti hy, use to apna kam jese tese kar k chale jana hota hy. Use kya garz k aya pedawar apne akhri marahil tk puhunche ge bi ya us se pehle i hawadas ka shikar hojayegi aur sara ka sara nuqsan malik i ko jhelna pare ga!! (point to ponder)

Mehnat Insani Mehnat aur Uski Ujraton ko lekar Marx bari sakhti se bat krta hy.. Halanke haqiqat ye hy k Insani Mehnat anmol chez hy aur dunya mai aj tk koi esa meezan, tarazo, pemana nhi bna jo insani mehnat ko tol sakhe (aur na kbhi bn sakta hy. Kyon k ager mehnat o mazdori ko itni i sakhti se liya jayega to muashra islah ki taraf nhi bigaar ki taraf, matlb-parasti ki janib jayega, phr ap agr ksi ko paani pilane ko bhi kahoge to wo is ki ujrat mangega. Phr kis ki gadi, motorcycle, gadha gadi beech road per (khadde, keechar, ksi chez mai) phans jayegi to koi uski madad nhi karega aur jo karega wo ujrat talab karega. Phr beech raste per koi mar raha hoga per koi utha ks ispatal tk nahi puhunchayega kyon k hr ksi ko ‘KAAM k lye UJRAT chahiye’. Phr ek bnde ko office tk puhuchne mai agr do 3 KM pedal chal kr ana parta hy (ya transport ka i sahara lena parta hy to) isko b is kam ki extra ujrat chahiye kyo k is ne jo ofc tk puhuchne ki 'mehnat ki to iski ujrat kon dega'?!
Jbke dusri janib hamare muashre mai buhut sare ese nek parsa log hyn jo 'fi sabellillah' insni falah k lye bare bare kam krte hyn mahz logon aur muashre ki islah k lye.. To ye apne in kamon ki ujrat kis se len !?


Excerpts:
--> Sciencdaono Aur Technology Ne Ab Itni Taraqqi Karli Hy Aur Pedawari Qoowaten Itni Barh Gayi Hyn Ke Agar Tabqati Mafadat Raah Main Haail Na Hon To Chang Ghanton Ki Mehnat Se Kurrah Arz Ke Sabhi Rehne Walon Ki Roz Marah Ki Zarooraten Bari Asani Se Poori Ho Sakti Hyn.

Socialism - A Class Example

Simple Analogy
11-14-9

An economics professor at a local college made a statement that he had never failed a single student before but had once failed an entire class.

That class had insisted that socialism worked and that no one would be poor and no one would be rich, a great equalizer.

The professor then said, "OK, we will have an experiment in this class on socialism. All grades would be averaged and everyone would receive the same grade so no one would fail and no one would receive an A.

After the first test, the grades were averaged and everyone got a B.

The students who studied hard were upset and the students who studied little were happy.

As the second test rolled around, the students who studied little had studied even less and the ones who studied hard decided they wanted a free ride too so they studied little.

The second test average was a D! No one was happy.

When the 3rd test rolled around, the average was an F.


The scores never increased as bickering, blame and name-calling all resulted in hard feelings and no one would study for the benefit of anyone else.

All failed, to their great surprise, and the professor told them that socialism would also ultimately fail because when the reward is great, the effort to succeed is great but when government takes the reward away, no one will try or want to succeed.

Could not be any simpler than that.

What a profound short little paragraph that says it all

"You cannot legislate the poor into freedom by legislating the wealthy out of freedom. What one person receives without working for, another person must work for without receiving. The government cannot give to anybody anything that the government does not first take from somebody else. When half of the people get the idea that they do not have to work because the other half is going to take care of them, and when the other half gets the idea that it does no good to work because somebody else is going to get what they work for,that my dear friend, is about the end of any nation. You cannot multiply wealth by dividing it."

~ Dr. Adrian Rogers, 1931

http://rense.com/general88/simple.htm


True or False ... Your are invited to comment ...