Communist Manifesto-Overview

Communist Manifest
Marx & Engels
1848

OVERVIEW

Ye Kitab apne title se insaaf nahi karta, ager isko ek KITAB ki hesiyat se dekha jaye.
Per Ager ye ek Makhsoos Party ka apne daur main banaya gaya Manifesto tha to … wo janain unki Party janain !!!
Kitab main hamain Communism ke koi 'khas' manifesto nahin mile, bulke mile hi nahin.
Taqreban Poori Kitab sirf Muashre main Kyal Chal raha hy, Bourgeoise aur Proletaria aur un ke sath doosre tabqat ki maujoodah condition kya hy, ki tasveer kashi karti hy.
Chapter 2 ka aakhir main jo chand points Communism k hawale se ginwai gai hyn, wo naqas aur nakarah hyn, bulke unke baare mian khud Marx o Engels apne 1872 ke German Edition ke Deebache main likhte hyn: “Dusre baab ke akhir main jo inqilabi tadabeer pesh ki gayeen gyn un per koi khas zor nahi diya gaya. Wo hissa ager aaj likha jaye to kai lehaz se buhut mukhtalif hoga.”
[is per hum alag se post main behs kar chuke:
http://fikrism.blogspot.com/2010/01/communist-manifesto-ch2-points.html]

Poori Kitab main Communism ka sirf Ek hi Manfisto ya Maqsad Mila, wo ye ke:
Proltaria Tabqa (yane Mazdoor) Bourzwa Tabqe (yane Sarmayadar) ka Khaatma Chahta hy wo bhi Jang o Jadal se.
Is baat ka tazkira Marx Engels Deebache main bhi kar chuke:

_______________________________
Links:
Communist Manifest Urdu @ Scribd
Wikipedia

Diff.b/w Socialism & Communism

Difference Between Socialism and Communism
by Friedrich Engels
in Communist Manifesto preface.


Matlab word 'Socialism' apne Zamani aur Makani Etbaar se ek Ta'sur peda kar chuka tha, jisko Marx Engels ne istimaal karna pasand nahi kiya, bulke is ke muqable main word 'Communism' ko tarjeeh dee. Halanke 'Communism' bhi us daur main apna ek asar rakhta tha per Marx o Engels ko apni Fikr us Zaman o Makan ke etbar se Communism ke zyada mutabiq lagi...
[per hamare pas Socialism, Communism aur Marxism sub ek hi maane rakhte hyn, hamare pas ese idare nahin jo in lafzon ko mukhtalif zaawiyon se Use karte hon]
if i am wrong please correct me!

Communist Manifesto-Ch.3

Communist Manifesto

Chapter 3
Socialist aur Communist Adab
.
Is Chapter Main wo SOCIALISMS ginwai gai hyn jo ‘Marx Engels Socialism’ Nahi, bulke Dusri Socialisms Hyn.
-Jageerdari Socialism
-Petty-Bourzowa Socialism
-German or "True" Socialism
-Qadamat Pasand ya Bourzowa Socialism
-Tanqeedi Utopiyai Socialism aur Communism.

Ye Sub koi baqaida Tanzimen Ya Jamaaten Nahi, Bulke Socialism per Mukhtalif Afkaar Hyn, jinko Marx o Engels ne Catogarised kr diya hy.
.
"Proltaria Ne Apne Maqasid... "
-Yane Socialism Wujud main Nahi aa sakta jb tk Mazdoor na hun, na sirf Mazdoor na hun bulke kaseer tadad mein na hun. Aur Mazduron ko Peda krne wala Tabqa Bourzwa (Sarmayadarana) hy. Yane jb tk Capitalism Nahi Ayega Mazdoor Peda Na Honge, Jb Tk Mazdoor Peda Na Honge Socialism Na Ayega.
Is Quote se Marx k Us Falsife ki b Origin Ka Pata Chalta Hy jo Marx Kehta Hy, Her Chez Ka Zid Us Ke Andr Mai Maujood Hoti Hy. (Yand Bourzwa Mazdooron Ke Maujid Hyn, aur Jo unke Khud Khilaf B Hyn.)
.
"Communist Jidojahad Is Liye Karte Hyn Ke Mazdoor Tabqe Ke Fori Maqsad Hasil Hon, Un Ke Aarzi Mafad Pore Kiye Ja Saken. 68"

Communist Manifesto-Ch.2-Points

Communist Manifesto

Chapter 2.

[Manifesto Purana Ho Gaya]

Ch.2 main dee gai points aur un per tabsira:

[Marx & Engels Comments on above Points in Preface.]


Manifesto Purana Hogaya, ye baat khud Marx n Engels ke alfaz se zaahir hy ("ye program ab ba'az tafsilaat main purana hogaya"), lafz baaz ko beech main sirf is liye rakha hy ke Proltaria ke Bourzwa se Jang hamesha rahege, is se koi inkar nahi kar sakta. Ye baat bhi nahi bhoolni chahiye k Marx o Engels pichhle 25 barson ko made nazar rakh kar ye baat bol rahe hyn, ager pichhle 25 barson main hi ye purana hogaya to aaj 162 saal guzarne k baad haalat kya hogi !!!
Aakhri jumla “mazdoor tabqe ke liye ye mumkin nahi hy ke bani banai ryasati machinary ko apne hathon main mahz le le aur use apny maqasid ky liye istimal kare”
Ager Mazdoor khud hukoomat nahi karna chahte to kya chahte hyn ?! Na wo khud hukumat karna chahte hyn aur na doosron ko karne de rahe hyn !!!
[yane mazdoor bus ye chahte hyn ke bourzwa tabqe ka khatma ho, aur phir hm usool banaye jin per Govt, ko amal karna chahiye …(is that right?).. ager esa hy to phir wo Usool kya hyn???]

Communist Manifesto-Ch.2

Communist Manifesto

Chapter 2
PROLTARIA AUR COMMUNIST


Excerpts and Comments
.
"Behesiyate Majmooi Proltari Tabqe Ke Mafad Ke Siwa Aur Is Se Juda Inka (Communist ka) Koi Mafad Nahi. 45"
.
"Communism Ki Imtiazi Khusoosiyat Umoomi Milkiyat Ko Nahi Bulke Bourzwa Milkiyat Ko Mitana Hy. 46"
.
[Marx n Engels, MILKIYAT (Jo mazdooron ki peda ki hui hy per dusron ke hathon mein hy) jar se i ukhar dena chahte hyn. (yane na tera na mera), ye chez pehli bat to (raza khushi) se hone wali nhi, dusri bat agr (jabrn qatl gharat se) ho gai to zyada der tikne wali nhi. (aur shayad ye Fitrat k khilaf b hy. Fitrat dobara logon ko usi rah pe le ayegi jahan se ye ho aye!). Kyon ke ye Jang hyn, aur Jang main Aj Iski fatah to kal Uski fatah, Jang main cheezen Khatam nahin hoti, bus Halton k haathon majboor hokar tham jati hyn, jo waqt aane per dobara Ubhar uthti hyn!(Jiski misal khud Socialism ki Tareekh hy). Sahi Usool Ye Hy Ke Bourzwa (bulke hr tabqe ko) Apni Milkiyat Mein se Percentage ki Soorat Me Ek Raqam Ada krni Chahiye. Aur Is Tarah 'Jama Shuda' Raqam dobara Re-circulate hoti rahegi!]
.
"Aur Is Soorat Hal Ka Mit Jana, Borzwa Tabqe Ki Ziban Mein, Infaradiyat Aur Azadi Ka Mit Jana Hy! Aur Bat Ek Had Tak Thek Bhi Hy. Is Main Koi Shak Nahi Ke Hamara Maqsad Bourza infradiyat, Bourzwa Khud-Mukhtari aur Bourzwa Azadi ko Mita Dena hy,.. Pedawar ki maujoodah bourzwa halton mein azadi ka matlb hy Tijarat ki Azadi, Bechne aur Kharedne ki Azadi. 48"
.
"Bourzwa Tabqe Ki Nishonima, Tijarat Ki Azadi, Alamgeer Mandi, Tareeqa Pedawar Aur Us Se Muta'leqa Halaat Zindagi Donon Ki Yaksaniyat Roz Baroz Qaumi Imtiaz aur Ikhtalafat Ko Mitati Jati Hy. 52"

-Ager Esa Hy to Phr Ye Chez to Durust Hy, Ye Chezen Type 1 Civilization ki Alamaten Hyn.
.
Page. 53-54-55
"...Inqilab Mein Mazdoor Tabqe Ka Pehla Qadm Proltaria Ko Hukmuran Tabqe Ki Jaqa Per Puhunchana Hy.
Proltaria Apne Syasi Iqtidar Se Kam Le Kar, Rafta Rafta Poora Sarmaya Bourzwa Tabqe Se Chheen lega. 53-54"
_____________________
Poore Chapter Main Hamain Dobara ek Hi Cheez milti hy:
Proltaria vs Bourza (a blind battle)

Chapter ke aakhir main Communism ke Manshoor ke jo chand points ginwai gai hyn unko Marx n Engels ne khud khud hi naaqas aur naaqara qarar de diya.
[jis ko Next Post main wazeh kiya ja raha hy.]

Communist Manifesto-Ch.1

Communist Manifesto
Marx & Engels
1848




Chapter 1
Borzawa aur Proltaria
(Bourgeois and Proletarians)

Ye chapter Borzwa Proltaria ke us waqt ki Condition aur us waqt ke Soorathaal dikha raha hy. Bourgeois Tabqa kya hy. Kese Feudalism se nikal kr wujud me aya, Capitalism Muashre me kya Gul khilai aur unhi gulon main Kaante (proltaria) bhi nikal aye jo inka killa kama krne wale hyn.
Ye chapter hame sirf Kya Chal Raha Hy (tha) batla raha hy.
IS CHAPTER MAIN HAME KOI MANIFESTO NAHI MILTA.


"pehle tamam tabqon ne....sar utha skta hy.. 43"


Is quotation se pata chalta hy Communism ek KHAS TABQE ki jang hyn jise Proltaria kaha ja raha hy (yane mazdoor tabqa). Aur jise Kaseer kaha ja raha hy... Per chahe kaseer ho ya qaleel ye ek tabqe ki jang hyn.
Dusri bat Esa Nahi k Muashra sirf 2 tabqon me bata hy Bourgeois aur Proletarian; BULKE in k sath aur tabqe bhi maujood hyn jin ka thora zikr page. 42 pe milta hy. Ek Darmayani Tabqa aur ek Khatarnak Tabqa (Lumpea-Proletaria)..
Yane Communism Sirf Proltarai ki jang hy apne hakim tabqe (Bourzwa) k khilaf. Baqi k sb tabqe apni zindagi ji rahe hyn unhe Communism se koi (khas) lena dena nhi.
[COMMUNISM SIRF MAZDOORON KI TEHREEK HY!] ...
Aya ye Mazdoor (proltaria) kin usoolon pe lar rahe hyn? Kya sabit karna chahte hyn? Kya NAFIZ karna chahte hyn?.. Jwb: Mazdoor kuch sabit krna, kuch nafiz krna nahi chahte, jesa k quotation me likha hy. ("Iska Apna Kuch Nahin Jise Qaim Rakhna Ho Ya Jiski Hifazat Karni Ho, Iska Mansab Zaati Milkiyat ke Jamla Sabqa Tahaffuzat aur Zamanaton Ko Mitana Hy.")
[Dusre Lafzon me Inka Koi Manshoor (manifesto) nahi.] wo bus apne sabqa nizam ka khatma chahte hyn. Usko tabah o barbad karna chahte hyn.
Bilkul ese i jese Taleban hamara mulk tabah kr rahe hyn. Inse poocha jaye agr esa kyon kar rahe ho to wo koi ma'qool jwb nhi de sakte bus wo Ek Nizam ki tabahi chahte hyn, phr US NIZAM ki tabahi k beech me chahe koi b aye! ("jab tak murwaja samaj ke balai parton ke tamam tar o pod na bikher diye jayen")
.
.
"Jadeed Bourgeois Samaj Ne jo K Jageerdar Samaj Ke Khandron se Ubhra hy, Lekin wo un Tabqati Ikhtalafat ko door Nahi Kar Paya. Is ne to Mahz purane tabqat ki jaga nai tabqe, jabr ki nai sooraten aur jidojahad ki nai shiklen peda kardi hyn. 30"

>Tabqati Nizam Kabhi Khatam Nahien Ho Sakta, Ye FITRAT Ka Hissa Hy. Dunya ke Shuru se Lekar Ab tk (Akhir tak) log tabqon main hi bate hue hyn, faraq sirf itna hy ke pehle simple life thi simple tabqe the ab pecheeda life hy zyada pecheeda tabqe hyn.

-Haan Apni Jaga Ye Galat Bat Hy Ke Aj K Zamane Main Ek Bnda ek Mah Main Arbon Dollar Kamata ho aur Ek 1 dollar se b kam. Insanon ke beech mai itni bari Tafreeq nahi Honi Chahiye.
.
.."Gharz Hum Dekhte Hyn Ke Khud Jadeed Bourzwa Tabqa Irtiqa Ke Ek Taweel Silsile Ki Pedawar aur Tabadile Ke Tariqon mai Musalsal Kai Taghiyurat ka Nateeja Hy. 31"
.
"Jadeed Borzwa Samaj ne Goya Jadu ke Zor se Pedawar aur Tabadele ke Azeemulshan Wasile Khare Kar Liye Hyn. Magar Pedawar, Tabadila aur Milkiyat ke Apne Rishton Samet Is Samaj ki Halat us Su'bdah Gar ki si hy. Jis ne Apne Jadu se Shetani Taqaton ko Jaga to Liya Hy Magar ab Qabu Mein Nahie Rakh Sakta. 37"

-Agr Esa Hy to phr Socialism k Jadu se bhi ye Taqaten Thamne Wali Nahien.
Philosophers khud tasleem kr chuke hyn k Zamana Irtaqai Manazil te karta hy.. Ye Zamane ki Irtiqa Hy. Isko Thamana Matlb Abnormal Banna. Isko ab thamana nahi per Tede Ko Seedha Karna Hy.
Jis tarah Sarmayadarana Nizam Jageerdarana Nizam ki Has leke Barha, ("Chunache Hum Dekhte Hyn Ke Pedawar aur Tabadile Ke Wasile, Jin Ki Bunyad per Borzwa Tabqe ne Apne Ap Ko Banaya, Wo Jageerdar Samaj Mai Peda Hue The. 36"), isi Tarah Ishtaraki Nizam ko Bhi Sarmayadarana Nizam ki Has Leke Chalni Hyn.. Phr ek Waqt Ayega Jb Capitalism ka Total Khatma Hojayega aur sirf Socialism Bachega.. WARNA Communism 2 mahene chalega aur Dhaddaam..
!

Chapter 19_Communist League+Manifesto

Chapter 19
COMMUNIST LEAGUE AUR COMMUNIST MANIFESTO
(Musa se Marx tak by Sibte Hassan)

Summary:
Yahan se Kitab ka ek naya daur shuru hota hy aur Marx o Engels ka bhi.
Yahan se Sayasi (Amali) Communism ki ibtida ho rahi hy.
Jesa k pichhle chapter mai Marx bta chuka hy k Communism Society kbhi nhi bn sakti jb tk Sayasi power na hasil ho. Bus usi ki ibtida yahan se ho rahi hy.
Ek Communist League 'Insaf League' k nam se un dinon Paris Zurich aur London mai kam krti thi, per in k afkar ab tk Khayali Socialist k afkar per mbni the . . . . Waqt ki nazakat ne ksi tarah Engels o Marx ko is League se aur is League ko Engels o Marx se milwa diya . . Phr ye league Khayali Socialists k bjai Marx o Engels k Ideas ki taraf jhukne lagi. . . Aur is tarah 'Insaf League' 'Communist League' bn gai, jis k manshoor ko likhne wale Marx o Engels the.
Communism k Usool o Thoughts ko wazah karne k Liye Engels ne League k lye pehle ek Dastaweez likhi 'Aqeede Ka Iqrar' (Confession of Faith) k nam se, ye dastaweez party ki shaakhon mai phel gai aur iske charche i the k Engels ne dusri dastaveez b tayar kr li 'Communism K Usool' k nam se aur ye dastawez Confession of Faith k muqable 4 guna bari thi. "Dar Haqiqat Communist Manifesto ka pehla Masooda yehi tha. 353"
iske bad Marx o Engels mil kar Communism Manifesto likhne bheth gai jise ap Socialism ki Muqaddas Kitab keh sakte ho!
"Engels ne Manifesto k 1883 k German Edition k deebache mai likha tha k ' is Kitab ka Markazi Khayal ye hy k Syasat aur Fikr e Iqtisadiyat yane Zarooriyat e Zindagi ki Pedawar us Samaji Dhanche per Mbni hoti hy, jo is Pedawari Nizam ka Lazmi Nateeja hota hy. 355"
baqi chapter mai Communist Manifesto se Socialism per Etrazat k Jawabat ki Summary di gai hy, jese Kitab k pehle hisse mai Sarmayadar aur Proltaria ki Tareekh..
Kitab k dusre hisse mai, Communism per hone wale etrazat k jawab, jese Shakhsi Azadi, Zati Milkiyat, Mushtarka Bivi..
Teesre hisse mai Feudal Socialism, Darmayana Tabqe k Socialism, Borzwa (Bourgeoisie) Socialism aur Khayali Socialism ki tabqati noiyat, jis k bare mai Marx ka kehna hy k ye sb Socialisms Socialism ko khatm krne k lye bnai gai hyn. (yane Munafiq: apne beech mai reh kar Gairon k Kam Karna).
[yad rahe ooper ka sara daur 1847 ka hy, aur Communist Manifesto Marx ne Jan 1848 mai tayar kr k London bhej diya jahan se pehla German Edition Feb 1848 mai shaya hua.]