Tareekh Ka Naya Mor - Chapter 4

Tareekh Ka Naya Mor
Ali Abbas Jalalpuri

Chapter 4

JADLIYATI MADIYAT
.
__

Comments:
"unhon ne misaliyat pasandon ka ye dawa rad kr diya k mushahide aur tajurbe ke bgair bhi zehn bazate khud ilmi sadaqataon tk puhunchne ki qudrat rakhta hy. 72"

"marx aur engels ye keh kr bat ko aage barhaya ke muqtadir tabqa mazhab ki trah misaliyat se bhi apne khususi mafadat ke tahaffuz ka kam leta rha hy. 72"

- is jumle me se islam kharij hy. Islam ne ksi b ryasati nizam per jan boojh kr (sahi k tor per) ungli nhi utahi, warna log bolte ke islam b makhsoos tabqe ke mafad ka qail hy . . .
[bulke her Asmani Mazhab isi ravish ka qail hy, Moosa ne Firoun ko uski badshahat se dast bardar hone ko na kaha, aur Eesa ne kaha, "Khuda ko uska haq do aur Ceaser ko uska." asmani mazahib mazahib nhi bulke taleemat hyn, per logon ne un taleemat ki bunyadi fikr ko bad me bdal diya ager bdla na b hota tb b wo (islam ke elawa) Khuda k nazdek (pehle mazaahib) 'Expired' bn chuke the. Khuda ki taraf se ye Expiration khud is bat ki daleel hy k Kainat mutaharrik hy aur apni Irtaqai manazil te kr rhi hy, is lye logon ki talemat me waqtan fawaqtan tbdeeli aur modification lazmi hy. Per Islam ko Khuda ne esa bnaya k Rasool k bad hr daur aur hr qaum k liye mauzoon hy. Aur Rasool (saww) k bad 12 imamon k zariye IJTEHAD ka darwaza khula rakha, imam Gaaib (af0 k zamane me gair masoom ki taraf rujoo ki ijazat di gai.]
.
"maada shaoor per muqaddam hy aur shaoor made hi ki ek siffat hy kyon ke shaoor maghz sar ka fa'l hy aur maghz sar madi hy. marx. 74"
-maada shaoor per muqaddam nhi. Aur na hi shaoor ka taluk kulli tor per maghz se hy. Ager esa hota to Aaqil o Jaahil _ do mukhtalif o mutazad chezen hamare muashre me na milti bulke sbhi log Yaksan Zehn o Soch k hote. Kyon ke Maadi tor per sb logon ka Dimag ek jesa aur ek hi size ka hy !!!
.
"jadliyati madiyat ke ro se alame madi do qism ki ashya per mushtamil hy. 1. Wujud: jo asal hy aur. 2: Fikr o Shaoor jo iski Fara' hy."
-
Marx ke is quote se saabit hy ke Madiyat aur Misaliyat dono is Dunya ke hisse hyn, Lazim aur Malzoom ki tarha, Jism or Rooh ki tarah, bus faraq itna hy ke Marx k nazdeek Jism Asal hy aur Fikr Fara’. Halanke Haqeeqat iske Ulti hy.
Science jese jese Tarqqi Kare gee wese wese Madiyat se Misaliyat ki taraf barhe gee.
19ven sadi main Matter Energy main convertible hy, Rooh 25 gram ka hy, Black Matter & Black Energy (jo kainat ka 96% cover kiya hue hyn) atom se nahi bana … khud is baat ki taraf ishara hy ke her cheez maada nahin. (bulke maada ki miqdar to qareeb qareeb negligible hy!!!)

Tareekh Ka Naya Mor - Chapter 2

Tareekh Ka Naya Mor
Ali Abbas Jalalpuri

Chapter 2

FIKRI TANAZIR
>ISHTEMALIYAT KI RAVAYAT
__Khayali Mufakkaron Ke Jannat e Arazi ke Khayali Khake . . .
.
>JADALLIYAT
__Kainat Mutaharrik hy. Koi b amal 2 bar repeat nhi hota. Aur hr chez ki pehchan uski zid se hy.
"tm ek hi nadi me 2 bar paon nhi rakhte. 47"
"yunaniyon k han jadaliyat ka mafhom ye tha k hr she tagaiyyur pazeer hy aur apni zid se qaim hy."
.
>MADIYAT
__"Falsafe ka aghaz madiyat se hua" jis ki shurwat greek philosophers ne qareeb 650 qabl maseeh se ki.
Yahan se philosophers 2 theories me bat gaye. Ek madiyat (materialist), Do misaliyat (idealist)
page. 51, 52, 56
ekon ne ek theory pesh ki, dusron ne ekon ki zid me theory pesh ki, teesron ne unki zid pesh ki aur game chalti rahi . . .
-18ven sadi k Qamoosi filasifa. 54
-Kaant ne Qamoosi filasifa ke radd me qalam uthaya. .. falsifiye Romaniyat ka aghaz hua. Fichte, Nietzche, Latse. Is romani tehreek k pedawar the.55
-19ven me sadi me maade ki nai definition gai. K. Mada aur Energy mutabadil hy. 56
-Aflatoon, Kaant, Shalair Makhr, Latse, Bargasan, Bishop Barkle, Eyokan. Idealist the. 57
.
Comments
'Misaliyat Pasandon ne Qudratan Muashre ko Badlne ki Koi Tameeri aur Masbat koshish nhi ki. Jb ke Madiyat Pasand alame madi ko haqeeqi samajh kr. Badla. Aur science ne herat angez tarakki ki. 57'
.
Misaliyat Pasandon ne ager Muashre k badalne me hissa nhi liya to is me qasoor misaliyat pasand ki apni zati fikr ka hy na ke IDEALISM ka!
Kya islam me ye nhi ke.. Khuda usi ki madad krta hy jo apni madad ap krta hy.
.
Pure Idealist aur Pure Materialist dono i galat hyn!
Ye dono pehlu kainat ka hissa hyn!
Ye Khuda ka system hy. Jis me ek pehlu wo hy jis ka adraak hawas e Khaamsa krte hyn.. Aur ek pehlu wo jisko.. INTUITION, Insan ka Shaoor aur La-Shaoor i janch sakta hy. Unka samajhna hawase khamse ki samajh se bahar hy.
Jis trah Zahiri Dunya rules o regulations ki paband hy (physics, chemistry, biology, astronomy, math . . . k rules, k jis k barkhalaf koi b madi dunya ki chez kam nhi krti). Isi trah Batini Dunya b rules o regulations ki paband hyn. Jo yaqenan kam krte hyn per materialist logon ki to samajh se tehre, kyon k hawase khamsa to unka adrak kr skte nhi!
[dono jaga (hr jaga) rules Khuda ke i bnaye hue hyn insan ke asani k khatir, ager Wo chahta to bgair rules k dunya chal sakti thi.]
.
MISALIYAT wali dunya zyada bari hy.. Aur yehi Haqeeqi hy . . .
Maadi Dunya ki ye halat hy k.. Agr facts n figures se bat karen to ‘Kainat’ ko aaj, 21ven sadi (sal 2010) main mahz 4% i khoja ja saka hy! Jb ke khud Hamre Earth Globe ka bara hissa un-explored aur khufya hya jese samandar ke teh aur gehre gaar.
Hawase Khamsa ki ye halat hy k.. Hamare Kaan buhut bari frequency me se Buhut Chhota sa hissa Sunne k laiq (audible) hyn, hamari Ankhen Sirf Colors dekhti hyn. Usme se b tez roshni aur ghup andhera nhi dekh sakti, aur kai bar dekhne main dhokha khati hyn, (hota kuch hy dikhta kuch hy (illusion)), hamari Naak to biologicaly sb se kamzor tareen his hy, hamare hath aur ziban ksi chez ko tb tk chhoo ya chakh nhi skte jb tk wo qareb na ho, itna qareeb k jism se mila hua, aur khud (chhona aur chakhna) ksi chez ko kulli samajh nhi sakte jb tk doosre hawas ki madad na len. [warna hathi k pet ko hath laga kr bol diya jayega k hathi deewar jesi hy aus soond ho hath laga kr bol diya jayega hathi saanp jesa hy !!!]