by Aflatoon
380 BC
Urdu translation of REPUBLIC by PLATO
English pdf version.
www.idph.net/conteudos/ebooks/republic.pdf
http://en.wikipedia.org/wiki/The_Republic_(Plato)
ریاست
افلاطون
پہلی کتاب –
[عدل و ظلم]
دوسری کتاب –
[تعلیم طفلان]
تیسری کتاب –
[تعلیم نوجوان]
چوتھی کتاب –
[حکمت، شجاعت، عفت و عدل]
پانچویں کتاب –
[عورت، خاندان، علم و قیاس]
چھٹی کتاب –
[فیلسوف و فلسفہ]
ساتویں کتاب
[Geometry, Math, Philosophy, Astronomy, Metaphysics]
آٹھویں کتاب –
[ریاستوں کے اقسام]
نویں کتاب –
[Autocracy, Dictatorship, Tyranny]
دسویں کتاب –
[نقل کی نقل، شاعری، روح]
۔[کتابوں کو موضوعات میں نے اپنے حساب سے دیئے ہیں ورنہ اصل کتاب میں موجود نہیں۔]۔
اقتباسات:۔
اقتباساتِ از مقدمہ مترجم ڈاکٹر ذاکر حسین۔ 1966
واقعے کے مقابلے میں خیال اور موجود کے سامنے موہوم کے لئے کوئی عجلت سے آمادہ عمل کیسے ہو؟
چناچہ جوانی میں افلاطون نے عملی سیاست میں کوئی حصہ نہیں لیا۔ 6
جس زندگی کے ساز کو کسی دوسری زندگی کا مضراب نہیں چھیڑتا اس کے نغمے خاموش ہی رہتے ہیں۔ 7
افلاطون امراء اور اشراف میں سے تھا۔ اس لئے جمہوری نظام حکومت سے چنداں لگاو نہ رکھتا بلکہ اس سے متنفر ہی تھا۔ ادھر ایک غریب کا بیٹا – سقراط – خاندانی اثرات سے نہیں بلکہ عقلاً و اعتقاداً جمہوریت کا مخالف تھا۔ 7
روایت ہے کہ [افلاطون] نے سقراط سے ملنے کے بعد اپنی شاعری کا سارا دفتر سپردِ آتش کردیا۔ 7
کسی مخصوص گروہ یا طبقے کے اغراض پر ریاست کی بنیاد رکھنے کی بجائے اس کی اساس تعلیم و اخلاق پر ہونا چاہئے۔ 8
۔۔۔ پھر غلام کی حیثیت سے بیج دیا گیا۔ 9
اکادمی
۔388 ق م میں اثینہ لوٹا ہے تو غالباً یہ تہییہ کر کے کہ عملی سیاست کو خیرباد کہے اور اپنے جماعتی و سیاسی مقاصد کو پورا کرنے کے لئے درس اور علمی تحقیق سے کام لے۔ چناچہ اس نے اپنی مشہور تعلیم گاہ 'اکادمی' قائم کی۔
تعلیم کا کوئی معاوضہ یہاں نہ لیا جاتا تھا۔
یہ سلسلہ کوئی 900 سال تک چلتا رہا حتیٰ کہ 529ء میں شہنشاہ جسٹی نین نے اسے ختم کردیا۔
یہ کتاب جو فلاطون کے شجر علم کا پختہ ثمر ہے تم تک دو ناموں سے پہنچی ہے: "ریاست" اور "تحقیق عدل۔" ان ناموں سے یہ سمجھ لینا کہ یہ سیاست یا قانون پر ایک تصنیف ہے غلط ہوگا۔ سچ یہ ہے کہ اس میں انسان کی پوری زندگی پر نظر ڈالی گئی۔ البتہ زیادہ توجہ انسانی زندگی کے عملی پہلو پر ہے۔ اس لئے کتاب کا زیادہ حصہ اخلاقی اور سیاسی مسائل سے پر معلوم ہوتا ہے۔ لیکن یہ نہیں ہے کہ فکر و خیال کی دنیا کو یک قلم نظر انداز کر دیا گیا ہو۔ فلسفہ کی بلندیاں دیکھنی ہوں تو عین خیر میں سب چیزوں کے اتحاد کا جلوہ بھی اس کتاب میں دکھائی دیتا ہے۔ 12
ریاست کی تیاری میں افلاطون نے دس سال سے زیادہ صرف کئے۔ 13
افلاطون کے نزدیک انسان محض انفرادی حیثیت نہیں رکھتا بلکہ اپنی تمام صلاحیتوں کو درجہ کمال تک پہنچانے کے لئے کسی جماعت، کسی ریاست کا رکنیت کا محتاج ہوتا ہے۔ اچھا آدمی اچھی ریاست میں ہی پیدا ہوسکتا ہے۔ 13
عادل شخص بمقابلہ ظالم شخص
عادل شخص ظالم سے زیادہ قوی دانشمند اور زیادہ خوشحال ہوتا ہے۔ زیادہ دانشمند اس لئے کہ وہ ہر ایک سے جا و بے جا مقابلہ اور مسابقت میں وقت ضائع نہیں کرتا۔ اس کا مقصد خوبی و کمال حاصل کرنا ہے نہ کہ کسی دوسرے سے بڑھ جانا۔ زیادہ قوی اس لئے کہ غیر عادل ظالم لوگوں کے کسی گروہ کو بھی قوت حاصل کرنی ہو تو وہ ایک دوسرے سے عدل و انصاف ہی سے پیش آنے پر مجبور ہوتے ہیں، ورنہ ساری قوت منتشر ہوجاتی ہے۔ زیادہ خوشحال یوں کہ ہر چیز کا ایک مخصوص وظیفہ ہوتا ہے جسے بس وہی انجام دے سکتی ہے اور کوئی دوسری چیز اس خوبی سے ادا نہیں کر سکتی۔ ہر چیز کا کمال یہی ہے کہ وہ اپنے مخصوص وظیفے کو بہ احسن وجوہ پورا کرے۔ جس طرح آنکھ کا کمال اچھی طرح دیکھنا اور کان کا کمال اچھی طرح سننا ہے اسی طرح روح انسانی کا مخصوص کمال اچھی زندگی "حیات طیبہ" ہے۔
جس طرح انسانی روح تین عناصر سے مرکب ہے یعنی عنصر اشتہائی، عنصر جری اور عنصر عقلی، اس طرح ریاست بھی تین طبقوں پر مشتمل ہوتی ہے۔ افلاطون سب سے پست عنصر یعنی عنصر اشتہائی سے شروع کرتا ہے۔ 16
چناچہ افلاطون نے اپنے نظام تعلیم میں سپارٹا اور اثینہ دونوں کی خوبیوں کو یکجا کردیا۔ 20
وہ اپنے نصاب میں پانچ مضمون رکھتا ہے۔ علم الحساب، علم الاشکال، ہئیت، موسیقی، فلسفہ۔
ان چاروں مضامین کے مطالعے کے لئے فلاطون نے 10 سال کا زمانہ تجویز کیا ہے یعنی 20 سال سے 30 سال تک کی عمر۔ گویا 18 برس کی عمر میں ابتدائی تعلیم ختم کرکے دوسال خالص فوجی تعلیم ہو اور اس کے اختتام پر جو لوگ اس اعلیٰ تعلیم کے اہل نظر آئیں انہیں اس نصاب کے مطابق تعلیم دی جائے۔ اس نصاب کی تکمیل کے بعد 5 سال فلسفے کی تعلیم کے لئے رکھے گئے ہیں۔ فلسفہ کا یہ نصاب صرف ان کے لئے ہے جنہوں نے گزشتہ دس سال میں ریاضیاتی مضامین کے باہمی ربط و تعلق کا سب سے قوی اور واضح احساس ظاہر کیا ہو۔ اس لئے کہ ریاضی محسوس سے غیر محسوس تک پہنچنے کا وسیلہ ہے اور فلسفہ دنیائے فکر و عالم اعیان کے علم اور اس علم سے بالاخر عین خیر تک پہنچنے کا وسیلہ ہے اور فلسفہ حقیقت محض یعنی عین خیر کا علم ہے کہ یہی غایت وجود بھی ہے اوعر مقصود علم بھی اور فلسفی وہ ہے جو حقیقت اشیاء سے آشنا ہوجائے اور عین خیر کا ادراک رکھتا ہو۔ 23
فلسفی کا ایک مقصد اگر عین خیر کا علم حاصل کرنا ہے تو دوسرا اس علم کی روشنی میں نوع انسانی کو سدھارنا بھی ہے۔ اگر اس علم سے اپنی ذہنی تکمیل اور سیرت شخصی کی بہترین تشکیل ہوتی ہے تو پھر اس سے ہئیت اجتماعی کے فلاح و بہبود کی سبیل نکلنی چاہئے۔ کامل مفکر کا صاحب عمل ہونا بھی ضروری ہے۔ 24
جو سب آزمائشوں میں پورے اتریں وہ ریاست کے فلسفی حکمران یا محافظ بنیں۔ 35 سے 50 سال کی عمر تک یہ ریاست کی خدمت کریں اور حکومت کے وہ تمام کام انجام دیں جو زیادہ معمر بزرگوں سے مخصوص نہیں ہیں۔ اس زمانہ خدمت میں بھی برابر ان کی آزمائش ہوتی رہے۔ وہ جو ان آزمائشوں میں پورے اتریں انہیں سب سے بڑے اعزاز اور سب سے زیادہ ذمہ داری کے کام تفویض کئے جائیں۔ 24
اشتراک- Socialism افلاطون کی
اشتراک املاک کے ساتھ ساتھ فلاطون نے اشتراکِ ازواج کی بھی حمایت کی ہے اور اس تجویز پر "ریاست" میں کافی بحث ہے۔ 25
افلاطون کے نزدیک اس نظامِ اشتراک کی حیثیت اصولی نہیں بلکہ فرعی ہے۔ افلاطون جانتا تھا اور ارسطو اور اس کے آئندہ معتقدین کی یک طرفہ تنقید اور نکتہ چینی سے پہلے جانتا تھا کہ ریاست ذہن انسانی کی ایک خارجی تشکیل ہے۔ اس لئے اس کی حقیقی اصلاح ذہن ہی کی اصلاح ہے۔ 27
افلاطون کی تجاویز کو ذرا سطحی نظر سے دیکھنے والے اس کے نظام معیشت کو جدید اشتراکی نظام سے ملا دیتے ہیں، جو صحیح نہیں۔ فلاطون کے اشتراک کو جدید اشتراک سے دور کی نسبت بھی نہیں ہے۔ اشتراک جدید پوری ہئیت اجتماعی کے لئے ایک تجویز ہے اور فلاطون کا اشتراک ریاست کے صرف ایک مخصوص طبقے کے لئے۔ جدید اشتراک دولت آفرینی کا سارا کام ریاست کے سپرد کرنا چاہتا ہے۔ فلاطون کے نظام میں دولت آفرینی بدستور افراد ہی کے سپرد ہے اور اس مجوزہ نظام کا براہ راست کوئی اثر کسی دوکاندار، مزدور یا کسان پر نہیں پڑتا۔ جدید اشتراک ہر ایک سے دولت آفرینی کا کام لے کر دولت کو بڑھانا اور پھر اس دولت کو سب میں برابر تقسیم کرنا چاہتا ہے۔ فلاطون کے اشتراک میں وہ طبقہ جس کے لئے یہ نظام تجویز کیا گیا ہے دولت آفرینی میں حصہ ہی نہیں لے سکتا۔ جدید اشتراک کے پیش نظر ایک معاشی مسئلہ ہے۔ فلاطون کے سامنے ایک اخلاقی مہم ہے۔ جدید اشتراک سیاسی اور معاشی قوت کا حامل جمہور کو بنانا چاہتا ہے، فلاطون کا اشتراک تزکیہ سیاست کی خاطر اپنے حکمران طبقے کو معاشی زندگی سے بالکل بے تعلق کرنا چاہتا ہے۔ جدید اشتراک دولت کا اشتاک ہے، فلاطون کا اشتراک ترک دولت کا اشتراک۔ 27-28
اقتباسات اس کتاب
جس شخص کی طبیعیت میں انبساط و سکون ہے اس کے لئے عمر کی زیادتی کوئی بار نہیں۔ لیکن جن طبیعتوں کی افتاد اس کے برعکس ہے ان کے لئے جوانی بھی ایسی ہی بوجھل ہوتی ہے جیسے بڑھاپا۔ 32
دولت اس سکون قلب کے حاصل کرنے میں بڑی حد تک مدد کرتی ہے اور اگر مقابلہ کیا جائے تو میرے نزدیک دولت کا یہ فائدہ [کہ اس سے انسان کو عدل کرنے میں مدد ملتی ہے] دوسروں فائدوں سے کہیں زیادہ وقیع ہے۔ 34
یعنی کسی چیز کا اچھا محافظ اس کا شاطر چور بھی ہوتا ہے۔ 39
شطرنج
لیکن فرض کیجئے شطرنج کھیلنے میں آپ کو کسی شریک کی ضرورت ہو تو اس کھیل کا ماہر آپ کے لئے زیادہ مفید ہوگا یا ایک عادل اور منصف شخص۔
۔ یقیناً اس کھیل کا ماہر زیادہ مفید ہوگا۔ 37
[کیا شطرنج اُس زمانے میں تھی؟۔]
پارلیمارکس: صرف جرح پر اکتفا نہ کیجئے۔ خود بھی تو کچھ فرمائیے۔ کسی کی بات کو رد کردینا بہت آسان ہے، لیکن خود کچھ کہنا مشکل۔ 43
لیکن حقیقت یہ ہے کہ کسی فن کا ماہر جب تک کہ ہو ماہر کے لقب کا مستحق ہے غلطی کا مرتکب نہیں ہوسکتا جہاں اس سے غلطی سرزد ہوئی وہ ماہر کہلانے کا اہل نہیں رہا۔ 49
تھریسی میکس: لوگ جو بے ایمانی کی مذمت کرتے ہیں اس کا مقصد صرف یہ ہے کہ وہ خود اس سے محفوظ رہیں۔ نہ اس وجہ سے کہ وہ اس کے ارتکاب سے پرہیز کرنا چاہتے ہیں۔ 54
بہترین برائ حکومت
چناچہ حکومت کرنے کی ترغیب دینے کے لئے اجرت یا معاوضے کے تین طریقے رکھے گئے ہیں۔ اولً مال و زر، دوسرے عزت اور تیسرے انکار کی صورت میں سزا۔
گلاکن: ۔۔۔ سزا کس طرح معاوضہ کا کام دے سکتی ہے؟
ارسطو: آپ تو اسی چیز کو نہ سمجھے جو بہترین آدمیوں کو حکومت کرنے پر آمادہ کرتی ہے۔ ۔۔۔
اس لئے ان کو حکومت کے کام پر لگانے کے لئے بس ایک ہی ذریعہ ہے وہ یہ کہ اس سے گریز کرنے کی صورت میں انہین سزا کا خوف ہو۔ اور اس سے زیادہ سخت زیادہ اور کیا سزا ہوسکتی ہے کہ اگر تم خود حکومت نہیں کرتے تو اپنے سے برے اور نالائق آدمیوں کے محکوم بنو۔
یہی خوف ان قابل لوگوں کو حکومت کے عہدے قبول کرنے پر مجبور کرتا ہے یعنی انہیں ضرورت مجبور کرتی ہے نہ کہ فائدہ اور نفع کی خواہش۔ 57-58
عالم ہ جاہل
اس طرح عمومی حیثیت سے علم اور جہل کے متعلق غور کیجیئے ایک حقیقی عالم غالباً کبھی دوسرے عالم سے قول اور فعل میں اختلاف نہ کرے گا۔ وہ ہمیشہ اپنے مثل سے متفق ہوگا۔
۔ اور جاہل کیا کرے گا؟ وہ تو عالم اور جاہل دونوں کی ایک سے مخالفت کرے گا۔ 62
عادل شخص ظالم کے مقابلے میں بہتر، عاقل تر اور قوی تر ہوتا ہے، ہم یہ بھی بتلا چکے ہیں کہ ظالم اور غیر منصف لوگوں میں اشتراک عمل کی قوت مفقود ہوجاتی ہے۔ 66
انسانی اور خدائی نگاہ سے پوشیدہ رہ کر۔۔۔
ایدیمینتس: آپ کہیں نہ پائیں گے کہ کسی شخص نے بھی ان صفتوں کی حقیقی ماہیت پر بحث کی ہو یا یہ بتلایا ہو کہ انسانی اور خدائی نگاہ سے پوشیدہ رہ کر بھی یہ صفتیں [عدل بلاہ بلاہ] انسانی روح پر کیا کیا اثر پیدا کرتی ہیں۔ 82
تاجر
بازار میں ایسے لوگ موجود ہوں گے جو لوگوں کی ضرورتوں سے واقف ہوتے ہیں اور خرید و فروخت کا کام اپنے ذمے لے لیتے ہیں۔ اچھی ریاستوں میں یہ کام عماماً ان لوگوں کے سپرد ہوتا ہے جو جسمانی حیثیت سے بہت کمزور اور کسی دوسرے کام کے لائق نہیں ہوتے۔ ان کا کام صرف یہ ہوتا ہے کہ بازار میں موجود رہیں۔ اگر کوئی بیچنے والا آئے تو جنس لے کر اسے نقد دے دیں اور اگر خریدنے والا آئے تو نقد لے کر جنس فراہم کردیں۔ 89
یوں تفریح ہی تفریح میں تو آدمی تاش اور شطرنج تک کا ماہر نہیں ہوسکتا۔ 93
کتا
کتا کسی اجنبی شخص کو دیکھتا ہے تو غصہ کرتا ہے اور جب کسی جان پہچان والے کو دیکھتا ہے تو خوشی کا اظہار کرتا ہے۔ حالانکہ نہ پہلے سے اسے کبھی کوئی نقصان پہنچا ہے اور نہ دوسرے سے کوئی فائدہ۔ تم نے اس عجیب و غریب صفت پر شاید کبھی غور نہیں کیا؟
سوچو تو سہی کتے کا یہ قدرتی وصف کس قدر عجیب ہے۔ کتا گویا ایک حقیقی فلسفی ہو! 96
اور آپ یہ بھی اچھی طرح جانتے ہوں گے کہ ہر کام کا آغاز ہی اس کا سب سے اہم حصہ ہوتا ہے۔ خصوصاً بچوں اور دوسری نازک چیزوں کے معاملے میں کہ اسی زمانے میں سیرت بنتی ہے۔ اور جو اثر ڈالنے ہوں بہت آسانی سے ڈالے جاسکتے ہیں۔ 98
[افلاطون کہتا ہے خدا اچھائی کا خالق برائی کا نہیں]
گویا عوام کے خیال کے خلاف ہماری رائے یہ ہے کہ خدا، اگر وہ عبارت ہے خیر و برکت سے، تو وہ ہر چیز کا خالق نہین ہوسکتا۔ وہ صرف چند چیزوں کا تخلیق کا تو سبب ضرور ہے لیکن اکثر کا نہیں۔ اس لئے کہ انسانی زندگی میں اچھائیاں کم ہیں اور برائیوں سے تو وہ بھری پڑی ہے۔ ان برائیوں کی تخلیق کا سبب کہیں اور تلاش کرنا چاہئے کیونکہ خدا کے ساتھ تو صرف خیر و برکت کی تخلیق منسوب کی جاسکتی ہے۔ 101
۔۔۔ تو پھر یہ ناممکن ہے کہ خدا اپنی شکل متغیر کرے۔ اس سے بہتر اور خوب تر شکل کا خیال تک فہم ور ادراک سے باہر ہے اس لئے یہ ماننا پڑے گا کہ خدا اپنی اصلی شکل پر ہمیشہ قائم رہے۔ 104
یا یہ کہ اگر بازپرس نہ ہو تو جبر اور ناانصافی میں بہت فائدہ ہے اور عدل اور انصاف میں چاہے دوسروں کا فائدہ ہو لیکن اپنی ذات کا نقصان ہی ہے۔ 117
ہم تو دلیل کے ساتھ ہیں، جہاں لے چلے گی وہیں جائیں گے۔ 120
لیکن بہرحال میرا عقیدہ ہے کہ جسم اپنی خوبی سے روح کی ترقی نہیں دیتا بلکہ اس کے برعکس ایک صالح روح اپنی خوبی سے حتی الامکان جسم کی ترقی کا باعث ہوتی ہے۔ 134
گلاکن: کیا بہترین منصف وہی لوگ نہیں ہوتے جو ہر قسم کی اخلاقی طبیعتوں سے آشنا ہوں؟141
منصف
لیکن منصف کا حال بالکل اس سے الگ ہے۔ یہ دماغ کا علاج دماغ سے کرتا ہے، اس لئے اس کی تربیت ہرگز برے اور شریر دماغوں کے ساتھ نہ ہونی چاہئے۔ ۔۔۔
اسی وجہ سے تو منصف کو جوان نہیں ہونا چاہئے۔۔۔ 142
البتہ ایک صالح طبیعت، جسے زمانے نے تعلیم دی ہو، نیکی اور بدی دونوں کا علم حاصل کرسکتی ہے۔ میری رائے میں عقل اور عرفان نیکوں کا حصہ ہے بدوں کا نہیں۔ 143
یہ موسیقی دان جو ورزش کرے گا اس کا مقصد اپنی طبیعت کا عنصر شجاع کو تحریک دینا ہوگا نہ کہ طاقت بڑھانا۔ وہ عام پہلوانوں کی طرح ورزس اور غذا کو محض اپنے رگ پٹھے درست کرنے کا ذریعہ نہیں بنائے گا۔ 143
اعتدال
محض ورزش کرنے والا پہلوان بہت کچھ وحشی ہوجاتا ہے اور صرف موسیقی پر توجہ کرنے والا نرمی اور رقت قلب میں جائز حد سے آگے چلا جاتا ہے۔
لیکن دراصل یہ درشتی اور وحشت طبیعت کی اس کیفیت سے پیدا ہوتی ہے جس کی اگر صحیح تربیت ہو تو شجاعت اور جرات پیدا ہو۔ لیکن جب اس پر ضرورت سے زیادہ زور دیا جاتا ہے تو یہی سختی اور وحشت پیدا کرتی ہے۔ 144
اور چونکہ انسانی فطرت دو اصول سے مرکب ہے، یعنی جری اور فلسفیانہ، اس لئے میں تو کہوں گا کہ کسی دیوتا نے ان دونوں اصولوں کے مقابل [اور بالواسطہ روح اور جسم کی مطابقت سے] انسان کو دو فن عطا کئے ہیں تاکہ ان دو اصولوں کو آلات موسیقی کے تاروں کی طرح ڈھیلا کرکے اور کس کر ضروری تناسب پیدا کرلے۔ 146
میرا مطلب بس اتنا ہے کہ بعض لوگوں میں ترغیب سے تبدیلی پیدا ہوتی ہے اور بعض میں بھول سے۔ اول الذکر کے عقائد کو دلیل چرا لیتی ہے اور موخر الذکر کے عقائد کو زمانہ۔
۔۔ رہا جبر۔ تو جبر سے ان لوگوں میں تبدیلی پیدا ہوتی ہے جنہیں کسی دکھ یا رنج کی شدت اپنی رائے تبدیل کرنے پر مجبور کرے۔
۔۔ اور دھوکا انہیں ہوتا ہے جن کے خیالات عیش کے نرم یا خوف کے سخت اثر سے تبدیل ہوجاتے ہیں۔ 149
میں نے جو کچھ کہا یہ ایک عام بیان ہے اور میں اس کے پوری طرح صحیح ہونے کا مدعی نہیں ہوں۔ 150
اور یہ خصائص نوعی عموماً ان کی اولاد میں بھی قائم رہیں گے۔ مگر چونکہ اصل سب کی ایک ہے، اس لئے کبھی کبھی ایسا بھی ہوگا کہ سونے والے والدین کے "سیمیں" بچہ ہو یا "سیمیں" والدین کے "زریں" اولاد ہو۔ 151
ٹیکس برائ 'مددگار محافظ'
انہیں شہریوں سے ایک مقررہ شرح تنخواہ کے وصول کرنے کا معاہدہ کرانا چاہئے تاکہ ان [مددگار محافظ] کے سالانہ اکراجات کی کفالت ہوسکے۔
۔۔۔ کہ وہ پھر آنکھیں نہ رہیں
اچھا آپ غور کیجئے کہ اگر ہم کسی مورت کو رنگ رہے ہوں اور کوئی ژشخص ہمارے پاس آئے اور لگے ہمیں الزام دینے کہ تم سب سے خوبصورت حصے پر سب سے خوشنما رنگ نہیں لگاتے چنانچہ دیکھو آنکھیں جسم کیا حسین ترین حصہ ہیں لیکن تم نے بجائے خوشنما ارغوانی رنگ کے انہیں کالا رنگ دیا ہے تو کیا ایسے آدمی کے لئے یہ جواب کافی نہ ہوگا، کہ بھائی ہم آنکھوں کو اتنا خوبصورت نہیں بنانا چاہتے کہ وہ پھر آنکھیں نہ رہیں۔156
مثلاً اگر جوتے بنانے والا اپنے کام میں ہوشیار نہیں نااہل ہے اور جس فن سے واقف نہیں اس کا مدعی ہے تو یہ ریاست کے لئے کوئی خطرے کے بات نہیں۔۔۔ لیکن اگر قانون اور ریاست کے محافظ صرف ظاہر میں محافظ ہوں اور حقیقت کچھ نہ ہو تو سرے سے پوری کی پوری ریاست کی تباہی کا باعث ہوں گے۔157
شہر نہ تو بہت چھوٹا ہو نہ دیکھنے میں بہت بڑا۔ بلکہ اس کی امتیازی خصوصیت اس کی وحدت اور اس کا کافی بالذات ہونا ہے۔ 160
دوستوں میں تمام چیزیں مشترک ہوتی ہیں۔
مثلاً مرد اور عورت کا تعلق، شادی بیاہ، اور توالد و تناسل، جن سب میں جہاں تک ہوسکے اس مقولے کا خیال رکھنا چاہئے کہ "دوستوں میں تمام چیزیں مشترک ہوتی ہیں۔" 161
جو نظام ہم نے مرتب کیا ہے اس سے کوئی کامل اور شاندار نتیجہ ضرور نکلے گا، خواہ یہ نتیجہ اچھا ہو یا برا۔ 163
ریاست کی چار صفتیں
یہ ریاست عاقل و حکیم، باہمت و شجاع، ضابط نفس و عفیف اور منصف و عادل ہوگی [کہ اچھائی انہیں چار صفتوں سے عبارت ہے۔] 167
ہماری ریاست میں ہر فرد کا کوئی ایک کام ہونا چاہئے جس کے لئے اس میں بہترین صلاحیت ہو۔
اور ہم نے اکثر لوگوں کو یہ کہتے بھی سنا "خود اپنے کام سے کام رکھنا اور دوسروں کے معاملوں میں مداخلت نہ کرنا عدل ہے" بلکہ خود ہم نے یہی بات بارہا کہی ہے۔ 175
فرد سے ریاست
فرد ہی سے تو یہ چیزیں ریاست میں پہنچتی ہیں۔ ورنہ اور کون ذریعہ ہوسکتا ہے؟ مثلاً غصہ یا شجاعت کی صفت لیجئے۔ یہ خیال کس درجہ تمسخر انگیز ہوگا کہ یہ صفت جب ریاست میں پائی جاتی ہے تو ان افراد سے حاصل نہیں ہوتی جن میں یہ واقعاً موجود ہوتی ہے۔ 179
ہم دیکھتے ہیں کہ چھوٹے چھوٹے بچوں میں نفس لوامہ تو پیدائش کے وقت سے ہی موجود ہوتا ہے، لیکن ان میں سے اکثر کو عقل کا استعمال کافی دیر میں آتا ہے اور بعض کو کبھی آتا ہی نہیں۔ 187
لیکن عدل کا انسان کے ظاہر سے سروکار نہیں باطن سے ہے کہ یہی انسان کی اصلی اور اس کے حقیقی اعانت ہے۔ 191
جو صحیح ہے وہ صحت کا باعث بھی ہوتا ہے، جو مریض ہے وہ مرض پیدا کرتا ہے۔ 192
شاہی اور اشرافیہ
ریاست کی پانچ قسمیں ہیں اور روح کی بھی پانچ ہیں۔
پہلی قسم تو وہ ہے جس کا بیان ہم لوگ کر رہے تھے اور اس کے دو نام ہیں۔ شاہی اور اشرافیہ: شاہی، اگر ایک ممتاز آدمی حکومت کرے اور اشرافیہ، اگر بہت سے ممتاز آدمی حکومت کریں۔ 194
عورتوں اور بچوں کا اشتراک
مجھے اس کا ڈر نہیں کہ لوگ مجھ پر ہنسیں گے، یہ ڈر تو سراسر طفلانہ ہے۔ بلکہ اندیشہ یہ ہے کہ جہاں اپنے قدم پر پورے اعتماد کی ضرورت ہے وہیں پائوں لغزش نہ کھائے۔۔ 197
میرا مفہوم ایک سوال کی شکل میں رکھا جا سکتا ہے۔ یعنی کیا کتوں میں نر مادہ کی تفریق ہوتی ہے؟ یا وہ سب کے سب شکار، نگہبانی اور دوسرے فرائض یکساں انجام دیتے ہیں؟ یا ایسا ہوتا ہے کہ ہم صرف نر کتوں کو گلے کی نگہداشت کے لئے چھوڑ دیں اور کتیوں کو یہ سمجھ کر گھر پر پڑا رہنے دیں کہ بچے دینا اور انہیں دودھ پلانا ان کے لئے بس کافی محنت ہے؟
گلاکن: نہیں، وہ تو سب یکساں ان کاموں میں شریک ہوتے ہیں، صرف اتنا فرق ہوتا ہے کہ نر زیادہ مضبوط ہوتے ہیں اور مادہ ذرا کمزور۔
سقراط: اچھا بتاو کہ اگر جانوروں کو ایک سی تربیت اور ایک سی غذا نہ دی جائے تو کیا وہ دونوں ایک ہی کام کر سکتے ہیں۔
گلاکن: نہیں۔
سقراط: چناچہ اگر عورتوں اور مردوں کے فرائض ایک سے ہیں تو ان کی تعلیم اور پرورش بھی ایک سی ہونی چاہئے۔ 198-199
برہنہگی
لیکن جب تجربے نے بتلا دیا کہ سب چیزوں کا کھلا رکھنا انہیں چھپانے سے بہتر ہے اور ظاہر میں آنکھ پر جو مضحکہ خیز اثر اس منظر کا ہوتا تھا جب وہ عقل کے بہتر اصولوں کے سامنے غائب ہوگیا تو اس شخص کی بے وقوفی کھل گئی جو حماقت اور برائی کے علاوہ کسی اور چیز کو اپنے طعن اور تمسخر کا نشانہ بناتا اور حسن کے اندازے کے لئے خیر اور خوبی کے علاوہ کوئی اور معیار مقرر کرتا ہے۔ 200
مناظرہ
آدمی سمجھتا ہے کہ معقول دلیل دے رہا ہے۔ لیکن سچ یہ ہے کہ مناظرے میں مشغول ہوتا ہے۔ اور صرف اس لئے کہ تقسیم اور تعریف نہ کرسکنے کی وجہ سے وہ اپنی گفتگو کے موضوع سے ہی واقف نہیں ہوتا، مناظرے اور مباحثے کی خاطر محض لفظی داو پیچ میں پھنسا رہتا ہے اور اصل مسئلے پر کوئی معقول تحقیق نہیں کرتا۔ 201-202
تو انتظام ریاست کے اعتبار سے کوئی ایسی خاص قابلیت نہیں جو عورت میں بحیثیت عورت کے، اور مرد میں بہ حیثیت مر کے موجود ہوتی ہو۔ قدرت کی دین دونوں میں یکساں بٹتی ہے۔ جو مرد کے شغل ہیں وہی سب عورت کے بھی شغل ہیں۔ ہاں، سب میں عورت مرد سے کمتر درجہ رکھتی ہے۔ 204
گلاکن: جی بڑی زبردست موج تھی جس سے آپ بچ نکلے۔
سقراط: لیکن ابھی اس سے بھی زور کی ایک اور آ رہی ہے، اسے دیکھئے گا تو پہلی کو بھول جائیے گا۔
گلاکن: اچھا تو چلئے، دیکھوں۔
سقراط: جو قانون ابھی گزرا اس کا اور سب پچھلے قانونوں کا ماحصل یہ ہے کہ "ہمارے محافظوں کی بیویاں مشترک ہوں، بچے مشترک ہوں، ماں باپ بچوں کو نہ پہچانیں، نہ بچے اپنے ماں باپ کو۔" 207
کیا یہ بہتر نہ ہوگا کہ ہم کچھ تہوار مقرر کردیں، ان موقعوں پر دولہا دلہن یکجا ہو سکیں، قربانیاں کی جائیں، شاعر شادی کی نظمیں پڑھیں۔ رہی شادیوں کی تعداد، سو اسے تمام تر حکام کے اختیار تمیزی پر چھوڑنا چاہئے کہ ان کے پیش نظر ریاست کی اوسط آبادی برقرار رکھنے کا مقصد ہوگا۔۔۔۔
اور افسر جن کا یہ کام ہے خواہ مرد ہوں یا عورت، کیونکہ افسر تو مرد بھی ہوسکتے ہیں اور عورتیں بھی۔۔
تو افسر جن کا یہ کام ہو اچھے والدین کے بچے باڑے میں لے جائیں گے اور انہیں آیائوں کے سپرد کردیں گے، یہ آیائیں علیحدہ مکانوں میں رہا کریں گی۔ کم درجے والے لوگوں کی اولاد یا اچھوں کی وہ اولاد جو اتفاق سے بگڑ گئی ہو انہیں کسی مخفی نامعلوم مقام پر ڈال دیا جائے گا۔ اور سچ تو یہ ہے کہ یہ اسی کے مستحق بھی ہیں۔
گلاکن: جی ہاں، اگر نسل کو خالص رکھنا ہے تو محافظوں کہ یہی کرنا ہوگا۔
سقراط: پھر یہی افسر بچوں کی پرورش کا انتظام کریں گے۔ جب ماوں کا دودھ بھر آئے گا تو انہیں باڑے میں داخل کریں گے لیکن اس بات کا خاص خیال رکھا جائے گا کہ کوئی ماں اپنے بچے کو نہ پہچان سکے۔ 211-212
گلاکن: اور اس مدت میں آپ عمر کے کون سے سال شامل کریں گے؟
افلاطون/سقراط: عورت بیس برس کی عمر سے ریاست کے لئے بچے پیدا کرنا شروع کرسکتی اور چالیس سال کی عمر تک اس کام کو جاری رکھ سکتی ہے۔ مرد اپنا کام پچیس سال کی عمر سے شروع کرسکتا ہے، یعنی اس وقت کے گزرنے کے بعد جب نبض حیات کی رفتار سب سے زیادہ تیز ہوتی ہے اور اسے پچپن سال کی عمر تک جاری رکھ سکتا ہے۔
50-50
اور جہاں کوئی مشترک احساس نہیں بلکہ صرف شخصی حس ہو تو ریاست غیر منتظم اور منتشر ہوتی ہے، یعنی جب شہر میں ایک واقعہ پر آدھی دنیا تو خوشیاں مناتی ہو اور دوسری آدھی غم میں ڈوبی ہو۔ 214
گویا ہمارے شہر میں عورتوں اور بچوں کا مشترک ہونا ریاست کے لئے سب سے بڑی خوبی کا باعث ہے۔ 217
محافظوں کے پاس مکان، زمین، یا اور کسی قسم کا املاک نہ ہونی چاہئے۔ ان کی تنخواہ بس غذا ہو جو انہیں دوسرے شہریوں سے ملے۔ ان کا کوئی خانگی اور ذاتی خرچ نہ ہو۔ تاکہ یہ حقیقی محافظ کی خصوصیتیں قائم رکھ سکیں۔ 217
ان کے پاس چونکہ اپنے بدن کے سوا کوئی چیز نہ ہوگی جسے یہ "اپنا" کہہ سکیں۔ 217
فلسفی بادشاہ
شہروں کو بلکہ نوع انسانی کو مصیبتوں سے اس وقت تک نجات نصیب نہ ہوگی جب تک دنیا میں فلسفی بادشاہ نہ ہوں یا بادشاہوں اور شہزادوں میں فلسفے کی روح اور فلسفے کی قوت نہ آجائے۔ 230
علم و قیاس
علم کا موضوع یا میدان تحقیق وجود ہے، اور علم ماہیت وجود کے جاننے کا نام
اور قیاس گویا ایک رائے رکھنے کو کہتے ہیں۔ 237
فلسفیانہ دماغ ہمیشہ ایسے علم سے انس رکھیں گے جو انہیں اشیاء کی اس ازلی ماہیت سے آگاہ کرے جو کون و فساد سے متغیر نہ ہو۔
وہ کل کے کل وجود حقیقی سے محبت کرتے ہیں۔ اور کوئی حصہ بڑا ہو یا چھوٹا، کم قابلِ عزت ہو یا زیادہ، وہ اسے ترک کرنے کے لئے راضی نہیں۔ 243
تو علاوہ دوسری صفتوں کے ہمیں ایسے دماغ کی تلاش کرنی چاہئے جو اپنے اندر فطرتاً حسن تناسب اور شرافت رکھتا ہو اور خود بخود تمام اشیاء کے وجود حقیقی کی طرف حرکت کرے۔ 246
اور یہ بھی درست نہیں کہ اس علم [فلسفہ] کو اپنے مخالفوں سے ہی شدید ترین اور پائدار نقصان پہنچتا ہے بلکہ خود اپنے نام نہاد پیرووں سے،۔۔ 250
اسی طرح جب ناقابل تربیت لوگ فلسفے کی طرف بڑھتے، اور اس سے اپنا رشتہ جوڑتے ہیں جو مرتبے میں ان سے بالاتر ہے تو اس سے کس قسم کے افکار و آرا کے پیدا ہونے کا احتمال ہے؟ کیا یہ محض سافسطائی مغالطے نہ ہوگے جو بس سامعہ فریب ہوں لیکن ان میں نہ کوئی اصلیت ہو نہ حقیقی حکمت سے قرب، نہ اس کے شایان شان۔ 259
رہا خود میرا سا معاملہ یعنی دلیل باطن، تو اس کا ذکر بھی چنداں ضروری نہیں، کونکہ ایسا خبردار کرنے والا اگر کسی کو عطا گیا گیا بھی تو بہت شاذ۔ ہاں تو جو لوگ [حقیقی فلفسفیوں کے] اس چھوٹے سے گروہ سے تعلق رکھتے ہیں انہوں نے اس کا مزہ چکھا ہے اور اس کی شیرینی اور برکت سے واقف ہیں۔ انہوں نے انبوہ کے جنون کو بھی خوب دیکھا ہے۔ یہ جانتے ہیں کہ سیاست دانوں میں کوئی بھی ایماندار نہیں۔ نہ ان میں عدل و انصاف کا کوئی ایسا حامی ہے کہ اس کے ساتھ معرکہ آرا ہو کر یہ اپنی نجات حاصل کرسکیں۔ 259
تم جانتے ہی ہو کہ تمام بڑی کوششوں میں کچھ خطرہ ضرور ہوتا ہے، عام قول ہے "جو کٹھن سو اچھا۔" 261
البتہ میں تو اپنے بس بھر کوشش کئے ہی جائوں گا حتٰی کہ یا تو تھریسی میکس اور دوسرے لوگوں کو قائل کرلوں یا کوئی ایسی بات کروں جو اس دن ان کے کام آئے جب وہ دوبارہ زندہ ہوں اور اسی قسم کی گفتگو ایک دوسرے عالم میں کرے ہوں۔ 262
اور کیا تم بھی میری طرح یہ نہیں سمجھتے کہ عوام میں فلسفے کے خلاف جو شدید احساس پایا جاتا ہے اس کی ابتداء ہوتی ہے دراصل ان نام نہاد فلسفیوں سے جو بن بلائے آ کودتے ہیں اور ہمیشہ لوگوں کو برا کہتے ہیں اور ان پر نکتہ چینی اور ان کی عیب جوئی کرتے اور اشیاء کے بجائے اشخاص کو اپنی گفتگو کا موضوع بناتے ہیں۔ 264
اور اس طرح نظام الٰہی سے ربط ضبط رکھنے والا فلسفی خود بھی، جہاں تک انسانی فطرت اجازت دیتی ہے، منظم اور الٰہی ہوجاتا ہے۔ البتہ اور ہر چیز کی طرح اس میں بھی تھوڑی سی کمی ضرور ہوگی۔ 265
ہاں، میرے دوست، میں اس وقت صاف صاف کہتے جھجکتا تھا۔ لیکن اب میں صاف کہنے کی جرات کرتا ہوں کہ کامل محافظ کے لئے لازم ہے کہ وہ فلسفی ہو۔ 269
کوئی تم سمجھتے ہو کہ تمام دوسری چیزوں پر قبضہ ہمارے لئے کوئی بھی قیمت رکھ سکتا ہے، اگر ہمارے قبضے میں خیر نہ ہو۔ یا تمام دوسری چیزوں کا علم ہمارے لئے کوئی قدر رکھ سکتا ہے اگر ہمیں حسن و خیر کا علم نہ ہو۔ 272
بصیرتِ روح
تم یہ تو جانتے ہی ہو کہ اگر ایک شخص اپنی آنکھیں ایسی چیزوں کی طرف پھیرے جن پر دن کی روشنی نہ پڑی ہو بلکہ صرف چاند تاروں کی تو اس کی آنکھیں دھندلا دھندلا دیکھیں گی اور تقریباً اندھی ہوں گی، ان میں نظر کی تیزی اور صفائی نہ ہوگی۔
لیکن جب انہیں ایسی چیزوں کی طرف پھیرا جائے جن پر آفتاب چمک رہا ہو تو پھر ان میں بصارت ہوگی اور وہ صاف صاف دیکھ سکیں گی۔
تو روح کی مثال بھی آنکھ کی سی ہے جب وہ ادھر نظر اٹھاتی ہے جہاں حقیقت اور وجود مطلق اپنی روشنی ڈال رہے ہیں تو وہ دیکھتی ہے اور سمجھتی ہے اور اپنے فہم سے جگمگا اٹھتی ہے۔ لیکن جب اس کا رخ کون و فساد کے بھکبھکے کی طرف ہوتا ہے تو پھر یہ محض ظن و رائے رکھتی ہے اور پھرتی ہے ادھر ادھر ٹامک ٹوئیاں مارتی، کبھی ایک رائے رکھتی ہے کبھی دوسری اور معلوم ہوتا ہے کہ اس میں کوئی فہم نہیں۔ 277
ہاں ہاں۔ اور اگر کچھ مبالغہ ہے تو اس کا الزام تمہارے ہی سر ہے کہ تم نے مجھے اپنے تخیلات بیان کرنے پر مجبور کیا۔ 278
کیا تم تسلیم نہ کرو گے کہ اس تقسیم کے ہر دو ٹکڑوں میں صداقت کے مختلف درجے ہیں اور نقل کو اصل سے وہی نسبت ہے جو رائے کے حلقے کو علم کے حلقے سے۔ 279
اب ضرورت ہے کہ ان چار تقسیموں کے مطابق روح میں چار صلاحیتیں یا قوتیں ہوں۔ اعلٰی ترین کی مرادف عقل، دوسری کا مرادف فہم، تیسری کا عقیدہ اور آخری کے مرادف سایوں کا ادراک۔ 281
اور تمہیں اس پر بھی تعجب نہ کرنا چاہئے کہ جن لوگوں کی اس مسعود منظر تک رسائی ہوجاتی ہے وہ پھر انسانی معاملوں کی بستی پر نہیں اترنا چاہتے، ان کی روحیں تو عالم بالا کی طرف رواں دواں چلی جاتی ہیں اور وہیں قیام کرنا چاہتی ہیں اور اگر ہماری تمثیل قابل اعتماد ہے تو ان کی یہ خواہش بالکل قدرتی ہے۔ 286
لیکن اگر میرا خیال درست ہے تو پھر بعض ان فاضل معلموں کا یہ خیال غلط ہونا چاہئے کہ جیسے کوئی اندھی آنکھوں میں روشنی داخل کرے، یہ روح میں وہ علم ٹھونس سکتے ہیں جو اس سے پہلے سے موجود نہیں ہوتا۔
حالانکہ ہماری دلیل یہ بتلاتی ہے کہ سیکھنے کی قوت اور صلاحیت روح میں پہلے سے موجود ہوتی ہے اور جس طرح آنکھ تاریکی سے روشنی کی طرف بلا پورے جسم کے مڑے ہوئے اپنا رخ نہیں کرسکتی اسی طرح انسان کا علم کا آلہ بھی کل روح کی حرکت سے ہی شہود سے وجود کی طرف پھر سکتا اور رفتہ رفتہ وجود، اور وجود میں روشن ترین اور بہترین وجود، یعنی بالفاظ دیگر، خیر، کے نظارے کی تاب لاسکتا ہے۔ 287
یہ اپنی چڑھائی اور پرواز وہاں تک جاری رکھیں، کہ 'خیر' تک پہنچ جائیں۔ لیکن جب اس بلندی پر چڑھ جائیں اور کافی دیکھ چکیں تو ہم انہیں وہ نہ کرنے دیں گے جو یہ آج کل کرتے ہیں۔
یعنی یہ لوگ اسی عالم بالا میں رہ جاتے ہیں۔ اس کی اجازت نہیں ہونی چاہئے۔ انہیں پھر غار کے قیدیوں میں اتارنا چاہئے اور انہیں پھر ان کے مشقتوں اور ان کے انعاموں میں حصہ لینا چاہئے خواہ یہ لینے کے لائق ہوں یا نہ ہوں۔ 288
حالانکہ سچ یہ ہے کہ جس ریاست کے حاکم حکومت سے سب سے زیادہ بچنا چاہیں اسی پر سب سے اچھی اور خاموشی کے ساتھ حکومت ہوتی ہے اور جس میں حاکم حکومت کرنے کے سب سے زیادہ شائق ہوتے ہیں اسی کی حکومت سب سے بری ہوتی ہے۔ 290
ضد۔
جن آثار کے ساتھ ساتھ ان کی ضد بھی ہو وہ فکر کو متوجہ کرتے ہیں اور جن کے ساتھ نہ ہو وہ نہیں کرتے۔ 296
Math Master
اور تم نے کبھی یہ بھی دیکھا ہے کہ جن لوگوں میں حساب کا فطری ملکہ ہوتا ہے وہ دوسری قسم کے علم میں بھی عام طور پر تیز ہوتے ہیں۔ 298
علم اور جاننا۔
ان لوگوں ک پیش نظر بس اس کی علمی حیثیت ہوتی ہے، یہ ہمیشہ نہایت تنگ نظر اور مضحکہ خیز انداز سے مربع کرنے، وسعت دینے، وضع کرنے، یا اسی قسم کی اور باتوں کا ذکر کرتے رہتے ہیں۔ یہ ہندسے کی ضرورتوں کو روزانہ زندگی کی ضرورتوں جے خلط ملط کردیتے ہیں حالانکہ اس ساری حکمت کا اصلی مقصد علم اور جاننا ہے۔
میں تسلیم کرتا ہوں کہ اس بات کا یقین بڑا دشوار ہے کہ ہر انسان میں ایک روحانی آنکھ ہوتی ہے کہ جب یہ دوسرے مشاغل سے دھندلی پڑ جاتی یا ضائع ہوجاتی ہے تو پھر یہ علم اسے دوبارہ روشن کرتے ہیں۔ اور یہ آنکھ دس ہزار جسمانی آنکھوں سے زیادہ بیش قیمت ہے کہ بس اسی کے ذریعے صداقت کا دیکھنا ممکن ہوتا ہے۔ 301
Astronomy
گلاکن: ہئیت روح کو اوپر دیکھنے پر مجبور کرتی ہے اور ہمیں اس دنیا سے ایک دوسرے عالم کی طرف لے جاتی ہے۔
سقراط/افلاطون: ہاں سوائے میرے ہر کسی کو۔ اور ہر کسی کے لئے ممکن ہے یہ بات واضح ہو لیکن میرے لئے تو نہیں۔ ۔۔۔ جو لوگ ہئیت کو فلسفے کا بلند درجہ دیتے ہیں وہ ہم سے بلندی کی طرف نہیں دکھواتے بلکہ پستی کی طرف۔
میں یہ کہنے کی جرات کر سکتا ہوں کہ اگر کوئی شخص اپنا سر پیچھے ڈال کر چھت کی تصویریں کو دیکھتا ہو تو آپ کے نزدیک اس وقت بھی اس کی آنکھیں نہیں بلکہ اس کا دماغ ادراک کرتا رہتا ہے۔ اور کیا عجب ہے کہ آپ ہی صحیح ہوں اور میں ممکن ہے کہ بس ایک سادہ لوح بے وقوف ہوں۔ لیکن میری رائے میں صرف وہی علم روح کو نظر کی بلندی عطا کرتا ہے جو حقیقی وجود اور غیر مرئی کا علم ہو۔ اور یوں چاہے انسان منہ پھاڑ کر آسمان کو گھورے یا جھک جھک کر زمین پر نظر ڈالے تاکہ کسی حسی خاصے کا علم حاصل کرلے تو میں تو ہر دو حال میں اس کا منکر ہوں کہ وہ کچھ سیکھ سکتا ہے۔ کیونکہ اس قسم کی کوئی چیز حکمت کا موضوع نہیں۔ اس کی روح کی نگاہ پستی کی جانب ہے بلندی کی طرف نہیں۔ خواہ اس کے علم کی راہ، خشکی کے ذریعے ہو خواہ تری کے، چاہے وہ پانی پر تیرا تیرا پھرے، یا خالی زمین پر اپنی پیٹھ لگائے لیٹا ہو۔ 303
منطق
لہٰذا منطق اور صرف منطق براہ راست اصل اول تک جاتی ہے اور صرف یہی وہ علم ہے جو اپنی بنیاد کو محفوظ کرنے کے لئے مفروضوں سے درگزر کرتا ہے۔ 308
آج کل یہ غلطی کی جاتی ہے کہ جو لوگ فلسفے کا مطالعہ کرتے ہیں ان کا کوئی پیشہ نہیں ہوتا۔ 311
حالانکہ جس طرح وہ بڈھا ہوکر زیادہ دوڑ نہیں سکتا ویسے ہی زیادہ سیکھ بھی نہیں سکتا۔ ہر غیر معمولی ریاضت کا وقت شباب ہی ہے۔ 313
جبری علم
کیونکہ آزاد آدمی کو کسی قسم کے علم کی تحصیل میں غلام نہ ہونا چاہئے۔ جسمانی ورزش اگر لازمی بھی ہو تو جسم کو نقصان نہیں پہنچاتی لیکن جو علم جبری طور پر حاصل کیا گیا ہو وہ دماغ پر تسلط نہیں پاتا۔313
فلسفے کا تلامذہ باضابطہ اور مستقل ہونے چاہئیں نہ کہ آج کل کی طرح ہر اتفاق سے ذرا سی رغبت رکھنے والا یا ہر فضولی ٹانگ اڑانے والا۔۔ 317
یعنی ریاست میں حقیقی فلسفی بادشاہ پیدا ہوں اور ایک یا کئی ایسے بادشاہ اس موجودہ دنیا کے اعزازوں کو حقیر اور بے وقعت جان جکر ٹھکرادیں، حق اور حق سے پیدا ہونے والی عزت کو سب چیزوں سے اونچا سمجھیں، اور عدل کو سب سے اعلٰی اور سب سے ضروری چیز خیال کریں، کہ یہ اسی کے کار پرداز ہیں اور اپنے شہر کو منظم کرنے میں اسی کے اصولوں کو بلند کرنے والے ہیں۔ 319
ایک غریبوں کی ریاست اور ایک امیروں کی، یہ دونوں ایک جگہ رہتی اور ہمیشہ ایک دوسرے کے خلاف سازش کرتی رہتی ہیں۔ 331
غریبوں کی حکومت
اور جب غریب لوگ اپنے مخالفوں پر فتح پاتے ہیں، کچھ کو قتل اور کچھ کو جلاوطن کرچکتے ہیں، اور باقی بچے کھچوں کو آزادی اور اقتدار کا مساوی حصہ دے دیتے ہیں تو اس وقت جمہوریت وجود میں آتی ہے۔ یہ حکومت کی وہ قسم ہے جس میں حاکم اور عہدہ دار عموماً قرعہ اندازی سے منتخب کئے جاتے ہیں۔ 338
یہ جمہوریت کس شان سے ہمارے ان تمام لطیف تصورات کو پائوں تلے روندتی ہے اور ان مشاغل کی طرف ایک آن دھیان نہیں کرتی جن سے مدبر بنتا ہے بلکہ ہر اس شخص کو عزت بخش دیتی ہے جو جمہور کا دوست ہونے کا مدعی ہو۔ 340
یہ کہاوت سچ ہے کہ کتیاں بھی وہی حیثیت رکھتی ہیں جو ان کی مالکہ عورتیں اور گھوڑے اور گدھے احرار کے تمام حقوق و اعزاز کے ساتھ چلنے کا انداز رکھتے ہیں۔ اگر کوئی ان کے راستے میں آجائے اور ان کے لئے سڑک صاف نہ چھوڑے تو یہ اسی کے اوپر سے گذر جائیں۔ الغرض تمام چیزیں، آزادی کی بہتات سے ہیں کہ پھٹی پڑتی ہیں۔ 348
آزادی کی ریادتی سے خواہ ریاست میں ہو یا افراد میں، غلامی کی زیادتی ہی پیدا ہوتی ہے۔ 349
اولاً تو آزادی کی وجہ سے جمہوریت میں دولت شاہی سے بھی زیادہ نکھٹو پیدا ہوتے ہیں۔ 350
چناچہ جمہوریت میں کم ہ بیش ہر چیز کا انتظام و انصرام نکھٹووں کے ہاتھ ہی میں ہوتا ہے۔ 350
تیسرا طبقہ عام لوگوں کا ہوتا ہے۔ اس میں وہ لوگ ہوتے ہیں جو اپنے ہاتھ سے کام کرتے ہیں، یہ نہ سیاست جانتے ہیں، نہ کھانے کو ان کے پاس بہت ہوتا ہے۔ جب اکٹھا ہوجائے تو یہی طبقہ جمہوریت میں سب سے بڑا اور سب سے طاقتور ہوتا ہے۔
اید: یہ سچ ہے۔ لیکن یہ انبوہ مشکل ہی سے اکٹھا ہونے پر آمادہ ہوتا ہے، ہاں سوائے اس کے کہ اسے بھی کچھ شہد ملے۔
سقراط: تو کیا انہیں حصہ ملتا نہیں؟ کیا ان کے قائد مالداروں سے ان کی جائدادیں چھین کر عوام میں تقسیم نہیں کرتے؟ ہاں، یہ خیال ضرور رکھتے ہیں کہ اس کا بڑا حصہ خود اپنے لئے محفوظ کرلیں۔ 351
لیکن جس شخص کی نبض صحت اور اعتدال پر ہے وہ سونے سے پہلے اپنے عقلی قویٰ کو بیدار کرلیتا ہے اور شریف خیالات اور مسائل سے ان کی سیری کرکے اپنے وجود کو دھیان میں مجتمع کرلیتا ہے، یہ اپنی اشتہائوں کو بھوکا نہیں مارتا بلکہ انہیں تسکین دیتا ہے لیکن نہ بہت زیادہ نہ بہت کم یعنی اتنی کہ یہ چپکے سے سوجائیں اور یہ یا ان کا حظ و کرب اس کے اونچے اصولوں کے کام میں مخل نہ ہو۔ 360
۔[جابر] اسے دوسروں کا آقا بننا پڑتا ہے جبکہ یہ خود اپنا آقا نہیں۔ 371
[ریاستیں] کل پانچ ہیں یعنی۔ ۱۔ شاہی و اشرافیہ ۲۔ حکومت امتیازی ۳۔ دولت شاہی ۴۔ جمہوریت، ۵۔ اور جابریت یا استبداد۔ 372
لیکن وجود حقیقی کے علم میں جو لذت ہے اس سے صرف فلسفی ہی آشنا ہوتا ہے۔ 376
بے اعتدال اور بے عفت آدمی پر ہمیشہ سے اسی لئے تو لعنت رہی ہے کہ اس کے اندر اس سوسرے راکشس کو بڑی آزادی ہوتی ہے۔ 388
اور اس سے بھی اسے بھلا کیا نفع ہوگا کہ اس کی ناانصافی پکڑی نہ جائے اور وہ اس کی سزا سے بچا رہے؟ جو پکڑا نہیں جاتا وہ تو اور بھی بدتر ہوتا جاتا ہے اور جو سزا پالیتا ہے اس کی طبیعیت کا وحشی حصہ تو پھر بھی خاموش ہوکر انسانیت کی طرف مائل ہوجاتا ہے۔
مصور بھی پلنگ کا خالق ہوسکتا ہے؟
ہاں، لیکن اصلی اور حقیقی پلنگ کا نہیں۔ 394
اور المیہ نگار شاعر بھی چونکہ نقال ہے اس لئے دوسرے نقالوں کی طرح یہ بھی بادشاہ اور صداقت سے بہ مراتب سہ گانہ دور ہے؟
گلاکن: معلوم تو ایسا ہی ہوتا ہے۔ 396
خود ہومر کے مقلد اور معتقد اس کے مدعی نہیں کہ وہ قانون بنانے والا تھا۔ 398
یہ کہ تین فن ہیں جن کا ہر چیز سے واسطہ ہے، ایک وہ جو اسے استعمال کرتا ہے، دوسرا وہ جو بناتا ہے، تیسرا وہ جو اس کی نقل کرتا ہے۔ 401
نقالی کو اس چیز سے واسطہ ہے جو حقیقت سے تین درجے دوری پر ہوتی ہے۔ 403
شاعری کی حقیقت وہی ہے جو ہم نے بیان کی لہٰذا اس کے ذریعے سے حق تک پہنچنے کی کوئی خاص توقع نہیں کی جاسکتی۔ 411
یہ تین بیسی اور دس سال کا زمانہ ازل کے مقابلے میں تو نہایت ہی چھوٹی سی چیز ہے۔ 412
یہ تین بیسی اور دس سال کا زمانہ ازل کے مقابلے میں تو نہایت ہی چھوٹی سی چیز ہے۔ 412
___________________________________________________________
